看山是山看水是水

 近日傳媒不斷吹風說新世界有意出售核心物業k11商場給華潤隆地.可能大家對華潤隆地非常陌生,其實此公司近年已大舉投資和進駐香港,他是華潤集團旗下一間沒有在中港上市的公司,官方網頁開宗明義說是要服務廣大香港市民,在民生上儘量令市民得益.服務人數已超過80萬人.話雖如此,華潤集團是國資委旗下五間資本投資公司之一,任務就是在世界各地尋找投資機會,把國家交付的錢不斷増值,不一定要是暴利,但最基本是不能蝕,有穩定收益就可,否則提頭來見,隨時丟官.隆地已在港開了幾間物管公司,特別是在舊區,另外又和華潤五豐合作,在食物供應上佔據市場,又與華潤燃氣合作在港不斷擴展充電桩業務,樓宇節能,加氫站等多項業務,全部都同民生息息相關,至於民生商場更是頻頻出手,以超低價買入不少個人或公司因財管而急於出售的商場物業,如羅守輝位於葵芳匯的巨型四層商場,出租率百分百,叫價4億5,3億1成交.最新的則是將軍澳藍塘傲基座商場,原屬麗新所有,又是低叫價近半才成交,商戶多是食店,現價買入回報率有5至6厘,更絕的是新入境處大樓總部最近才搬去藍塘傲,政府員工和需要服務的市民每日數以仟計,人流大増,這個商場肯好好生意,若非麗新等錢使,華潤隆地也不會低價取得業權,可能出於維穩,也可能為左商業利益,現金為王,現在最有錢的是中資央企,就算件貨再平都好,有真金白銀唔駛向銀行借貸的企業並不多,有心買銀行都未必敢借俾你.另一間國有投資公司的央企是招商局,他其實已是優品360的大股東,只是冇改名,其他零食店排住隊執笠,佢就分店越開多,其實好多民生行業都俾央國企買哂,如物管公司,公屋的物管公司全中資的,全港最大的物管公司也是央企子公司,現在是大洗牌,財富大轉移的時代,執十間開番十六間並不是謊言,地產霸權消失可能更是好事,重新定過更公平的遊戲規則,也是社會主義的一種優越性

上半年1至6月,内地用左2108億立方米天然氣,預計全年使用量會上升至4200至4250億立方米,去年全年使用量不足4000億.由於本身生產和儲存量不足以應付需求,上半年要從國外入口902億立方米天然氣,雖說天然氣的暴利冇石油甘多,但其實都係賺好多,國外入口價每立方米介乎2.8至3蚊人仔,中海油自已的開發價無論是國内或國外的,成本價0.6至0.8元,就當佢0.8元計,國内居民使用價一般2個9毫幾,工業用會更高,中海油一般都會以長約價2.8元供應給相關企業,算是讓利,但每立方米都賺2蚊.最近央視大力吹捧的深海一號二期工程完工並投產,產量會由年產30億立方米増至45億立米方,去年深海一號一期帶來58億盈利,如今一二期同時投產,將會帶來一年90億盈利,深海一號總投資不過2百幾億,唔駛3年就回本,之後十幾二十年直至採完全是盈利,類似的油氣田中海油在國内同全世界有好多個,管理層定出指標要一年内增加30%天然氣產量,包括新開發的和現有的,利用技術提高新質生產力,期望在2035年前,石油同天然氣各佔一半產量,油價不跌穿70美元,中海油每年盈利至少1500億是唔甩,若天然氣持續增產,油價上升,會賺得更多,油價升跌冇人能準確預測,所謂的專家同像我一般的散戶根本不可信,陰謀論推斷,油價下跌對中國最有利,可以以平價買油,競爭對手會讓這事發生嗎,.中海油管理層估計今年會在75至80元之間.以883年賺1500億,派息比率40%計,一年分紅600億.發行股數4百億,每年派息少1.5元,若在7蚊到10蚊買入的朋友,一年收至少十幾厘息,管他升到30蚊又好,跌穿20蚊又好,根本唔關你事,若派息因利潤增加而加到2蚊一股重好,年收20幾30厘息,真係快活過神仙.這也是低位買入長期持有所得到應有的回報,至於冇貨現價想買的,我都覺得已錯失先機,不如尋找下一隻未升但將會大升的中特估.

 受惠於居民投保儲蓄形保單大增,因人們已預定將來數年存款利息都會在極低水平,因此將資金搬去儲蓄險,而各大險企聽黨話,減少在債券上的投資,改而更多投資於高紅利高分紅股份及政府鼓勵發行的各種行業高息RElTS,以往人們的思維停留在A股唔升,内險企一定冇運行一定唔會升,只因過往險企買的都是唔多派息的抱團白馬股,這大批股份過幾年股價不停下跌,也令A股長年冇得升,險企投資性收益投資在這些股上,不出現虧損已要燒高香,昨天李強總理在國常會再一次指導險企該如何做生意,如何令内險能高質量發展,減少出現金融風險,就是要堅持長期投資,做耐心資本,投資於長期分紅的股份,只差沒有列出清單要買股票只能買那些央國企股票.的確上半年5大險企投資性收益遠遠高過去年同期,可能已買左大量高息央國企股份,A跌唔升,但他們反而盈利增加,只因他們買了會升同有高息收的股份.另外國資委阿頭在央視大談國資委的未來任務,為了實現國家式現代化,必須做大做強做優大型央企,在影響到國家戰略,國家安全上的4大部份上,一定要取得絕對控制權,要有絕對的市場競爭力,今早公佈的PMl雖然低位50,但不代表經濟下行,統計局官員說下跌除了天氣關係外,下跌的都是中小規模工業企業,大型規模的持續擴張,PMI上升到50.5,高新科技,高新設備生產持續上升.講番内險股,過往盈利暴増,股價短期大升的情況好難再出現,過去大升只因投機性買入泡未資產,但在泡沫爆破前未能全身而退,得不償失,現在在監管機構指導下做左耐心資本,飯一口一口地食,盈利反而更有保障,只是會升得慢d,若有機會内股再大跌,相信機會不大,不妨考慮買番少,因内險股在本質上已出現根本的改變.

 所有内險都公佈左中報,最靚的是新華保險和中國太平保險,連大牛龟中人壽都有十幾巴仙新業務增長,最差的是平保只有6.8%盈利増長.民間資金冇出路,存在銀行回報低,基金已輸怕人,入市買股票又怕成為韭菜被人收割,唯有買有保證回報的保險產品,雖然回報不會多過三厘,但勝在安全,於是大量資金湧去保險公司,過去地產泡沫形成,太進取的内險就會投資超高回報的地產項如内房高息債,及後地產爆破,出現大量違約事件,搞到最大參與者平保雞毛鴨血,差點沒頂,股價大跌不在話下.但在國家的指引下,央國企的内險已一早買定高息中特估,已封住蝕本門,更多資金入來就賺更多息差,盈利就更多.最早公佈業績的民企平保可能以為盈利增長6.8%已是全行最好.首度投資執行官大談自已如何成功,如何布局令5.2萬億來自客戶的資金得到保證回報,其實冇物特別,其他内險一早做左,只是保險金冇佢甘多,方法就是投資的產品着重可償還性,即係不再沾手高息高風險的一毒債如内房債,只會找有絕對償還能力,能長期提供固定回報的產投資,又說一早投資左幾大内銀,去年中發覺大量唔同行業的央國企股份具有高息,低估值,能長期派高息的特色,於是將一半的投資轉買這些中特估,行業包括電訊,資源,能源等.又炫耀上半年投資回遠高過沪深300指數,年化率高達5%,又吹票話呢批中特估還有大幅估值上升空間.只是普通民衆唔敢買股票,走去買保證低回報保險產品.而保險公司就把客戶的資金走去買客戶唔識或唔敢買的股票.平保已行得慢,佢所說的策略其他央企内險同行一早做左,收益多過平保好多.一衆内險股,未來爆雷的機會大減,股價會持續上升,除非他們抱團持有的中特估爆煲,但這可能性近乎零.

 所謂盈利大跌15%,導致股價一開市就大幅低開,還有不少散戶爭相逃生,割肉離場,之後股價大幅反彈,曾一度倒升,我也成功在開市執死雞,在接近最高位沽出,食到好飽,最可惜是152,繼昨日低位買唔到,今早排低幾格又入唔到,之後股價大升,若在低位入到,又有7至8%盈利.另一隻981中蕊,標題黨大大隻字盈利按年下跌6成2,内文短短幾十字全是負面野,令股價上升的利好因素絕不會講.981今日又升3%,為甚麼上升細閱中報就可得知.

 1072東方電氣中期營收増加11%,盈利倒退15%,中報多番出現盈利倒退15%的字樣,驚死散戶唔知,生意做多左錢反而賺少左,唔細看内容,一定以為出左事,先沽為敬,其實份業績完全冇問題,生意多左經營現金流大増40億,新簽合同大増,去年同期賺18億幾,今年得16億3,原因是無端端多左項研發開支2億7,股權投資計提左億六,主要是買左隻叫川能動力的A股20%,截至6月底帳面出現虧損,但呢隻股最近公佈的業績相當好,派息又大増,股價大升,呢億6隨時可回撥,另外又在資產公允值計提左2億,又是隨時又回撥,若唔計呢堆計提,盈利實際是20億以上,實有儘量隱藏盈利之嫌,點解要甘做,可能同増發50億元A股有關,單野拖左成年,A股由25蚊跌落13個幾,H股反而唔跟跌,認購新増股份的對像,離不開社保,養老基金甚至是國家隊,冇理由在高位25蚊叫人認購,要令股價跌到甘上下,先至啟動増發動作,造成多贏局面.

 收左冇幾耐的中行23年未期息為每股2.364人仔,今次中期息派1.208人仔,盈利少左1.2%,是否派息多過去年？看吓明天建行業績,是否又是盈利少過去年同期1至2%,派息又多少少.一年派2次息總好過一年派一次.

 繼續玩貨如輪轉,基本面沒變無端端跟大市跌,本身有跟開做短炒的股份豈能錯過,隻隻執幾個巴仙,真係可以聚沙成塔,前天入左因業績下跌而大跌的257,又執近20格,昨日又買左唔知物跌的1193華潤燃氣,本來今日可食胡,但此股明天又公佈業績,9成9好,貪心d揸多看吓有冇彩強送,之前搭左另一隻華潤系1515順風車一轉,另一隻華潤萬象1209,升得重多,但冇上車短炒走寶,今次幾大都要揾1193補數.今朝又手多撈左隻中國通號,升少少又食左,可惜排隊買152排太低做唔到,中午出左一早盈喜的中期業績,盈利升6倍,股價自然重上6蚊,感覺每逢跌市成街都有好野等人執都冇人執.

A股銀行股全線下跌,升得多自然要回調,說不定是國家隊在沽貨,等低位買回,二來内銀股派中期息已成定局,當然要低位買入内銀才可食到肉, 高位掟貨,跌夠幾個巴仙才買回,然後股價慢慢升番,待股價派完息後又下跌又再用息買多d,如此内循環,令内銀股價相對穩定在一定範圍,若你自問是高手可跟住國家隊玩,若只想穩穩陣陣想收高息,個價又唔跌甚至有得升,大可不必理會短期股價升跌,長期持有一定有本有利.

 大規模設備更換不是幾個月就會換完,有排換,所以極不希望一拖,鄭煤機短期不要升得太急太多,慢慢升,升左都冇人知最好,最衰就是中信証券,今早又出左份報告,話25,26年會出現大型拖拉機換機黃金潮,要注意相關龍頭企業,相信遲d有關人士收齊東方電氣後,中信又會出報告話電力設備股前景會如何亮麗.華潤醫藥3320現在已跌唔落,因旗下一眾A股子公司業績已出哂,隻隻靚到爆,又勁派股息,特別是華潤三九,已成為國内龍頭,不停併購其他公司,第一站市值會超過千億,極度樂觀者更估計未來會是萬億級醫藥股龍頭.3320已扮不下去,市值得個300億,再跌變相送錢俾人駛,同系的華潤醫療1515,開醫院的,業蹟好番些少,只是賺5億,股價都連日大,3320明天出業績,業績好大可能有極大驚喜,甚至可能會首派中期息,我已儲夠貨等佢將來大升特升,唔跌吓升吓有波幅俾我短炒,只能持有,只要你敢跌我就敢買.

 太保業績明顯優於同行,點解我甘關注佢,因佢的作風夠保守,少買大量抱團式標榜高回報但多數輸到訓街的基金產品,如今個月内地有42隻三年期封閉式基金解禁,買的全是PE幾十倍甚至過百倍的昔日抱團股,各大基金夾埋造神,將多隻股夾高十幾倍甚至幾十倍,跟住出系列基金,2021年是高峰期,基民多過股民,人為造左幾個明星級經金經理,神股往續三年表現可升幾倍,出左大量三年内不可贖可的基金,結果往績唔代表將來,明星基金經理可以三年内輸哂散戶基民幾百億,但基金公司照收數十億管理費,基金經理照收年薪過億薪金,這批基金解禁,大部份都冇左5成以上,散戶爭相贖回,怕遲d渣都冇,之前的明星股早就腰斬,如今基民爭相贖回,呢批大藍籌股更跌得利害,今日d白酒股,醫美股,總之過去亂甘升的都要打回原型,大批基民割肉套番所剩無幾的資金,應該唔會再買基金望短期發達,可能會轉買高息股收息,太保就是在去年舉牌買入股價跌到殘的257,之後又買左好多1071華電國際,只為收取6厘息,收左.客戶的保費,頂多只需俾3厘半回報俾番個客,現在在政府指導下更加唔需要3厘回報,收6厘俾3厘,賺息差3厘,平平安安就年年有不俗盈利,只要買的股份年年派番甘上下息,又唔會執笠,央企,内銀之類當然是首選,如257,今年中期盈利下跌12%,但派息沒減少,盈利減少是大量應收帳沒回籠,全是政府,地方政府債,有拖冇欠,只要年年有盈利,有能力派高息,太保都唔會介意,若係買左d拼多多之類明星股,失驚無神話你知將來幾年都唔會派息,因為我要成為未來王者,你將來贏哂全世界又如何,你唔派息俾我就勢係假,你將來就算成為全球首富又與我何干,内險用大量資金買央國企收息將會是大趨勢,息比A股高的H股會更受垂青,今年新淨流入港股已達4千幾億,泊响度唔走長揸的全是高息H股.

 38第一拖拉機半年盈利9.05億,去年全年盈利9.97億,半年的盈利幾乎已是去年全年利潤,雖說一向下半年都是一拖的淡季,但今年可能有所改變,國家全力要改善農民收入,又搞全國統一大市場,保障農作物價格穩定,又幫農民搞電商,找買家,不讓大集團上下其手吸農民的血,但首要做的是増加農作物產量,中國式現代化,就要農業機械化,配合大數據,甚麼土壤該種甚麼農作物,該用甚麼農機都一目了然,推出大規模更換農機,用大量補貼津貼農民換各類農機以増加生產力,一拖會因比受惠,再有旺淡季之分,再加上有海外市場,今年盈利隨時增加一倍,半年已有9億盈利打底,又是跌有限升無限的格局,派息也有大加成為高息股之勢,最好股價不要再大升,此股已升左好多,我最後個注都係3蚊左右買,之前膽粗粗做左幾次靚T,8個幾沽7個幾買番,7個幾沽6個幾又買回,基本上已是零成本甚至負成本持貨,明天起不會再在38做T,以免賣飛買唔番.學38的十大持股股東之一,某隻養老基金長揸不放收息,做耐心資本.至於另一隻中國通號3969,業績看似不好,下跌12%,只是放棄建造等舊業務,新業務則大幅增長,成份通告成5百幾頁,9成講在科技上如何巴閉,獲獎無數,攞左無數專利,根本冇心機看下去,講一句有盈利的科特估就明啦,此股做左不下10次T,剩下的少量股份成本都冇計幾多成本買入,應該平過今日收市價好多好多,近日股價下跌應該反映左盈利下跌,間公司係央企,現金多,派息還可以,相信類似低空經濟訊號等新業務會發到圍,俾d時間佢.

 交通銀行,中信銀行,重慶農村商業銀行,中國財險,人保都確認派中期息.今晚會出業績的中國銀行相信都唔會例外.有人會覺得派中期息冇用,哪是因為你持股少或冇貨,如牛仔褲大王提前半年收多一千幾百萬元股息,拿去存定期收多筆,又或者增加回購393股份,一連三日,楊釗都回購393,但每日都係得幾萬股,但都佔左全日成交的幾成,d貨都俾佢幾乎揸哂,派高息都係派俾番自已,不如加些少溢價將間公司私有化,益吓小股東.

 今年是三年承諾最後一年,派息比率不少於4成,883要加派息比率都要等到2025年,唔駛加到像中石化的65%,加到50%已夠皮,但有大把現金,不如來個回購幾十億元H股就會令883升飛天,不過都要等中海油入左上證50指數成份股先會做.

 油氣増量不足10%,盈利竟大増25%,成本控制得好,產量只會越来越多,盈利也會大増,若油價上升更加不得了,油價下跌也會因產量增加而抵消盈利下跌.去年同期派0.59元股息,今年加派至0.74港元,加足25%以上,長揸者收息收到笑.上半年收入只有2267億,盈利竟有800億,毛利率高過哂中石油,中石化9條街,完全唔同等級,883我不再做T了,收息收到零成本已近在咫尺,各位長期持有883的朋友,起碼2年計,實在冇必要沽出883,沽左去邊度搵過第隻財息狂收的股份.

 883半年盈利797.3億,中期息0.74元,盈利同派均較去年同期上升25%.

 十幾二十年前中央已提出要開發大西北,並邀請港商參与,但反應一般.現在中國國力已日漸強大,樣樣都可自已做,國資委已要求央企系統加強融合西部大開發,基建三傻,中車,中國建築集團,各大電力集團又要開工啦,在西部如新疆,西藏起大量新能源發電廠,方便西電東輸,起更多鐵路公路,令供應鏈更順暢,方便貨品透過西部源源不絕輸往外地.

 中國平安首席投資執行官表示央國企的合理估值遠遠未到,有大幅修復空間.過去幾年一直胡亂投資房地產高槓杆產品的中國平安,得到了教訓,股價由過百跌到幾乎30蚊不到,又在低位沽左大量内銀股獲利,年頭在4蚊樓下沽左大量H股,呢幾個位又在4個幾買多左工行H股,低沽高買,可能覺今是而昨非,打不過就加入,買入大量高息央國企長期持有才是王道,收左保費投資高息央國企賺息差才能長久生存,畢竟平安不是央國企,他的央國企同行中人壽,新華保險只早著先機,趁低位買入數以百億元計央國企股份,中國平安能不跟大勢嗎？

 華潤電力的核心利潤來自新能源發電,去年賺50幾億,今年上半年反而賺少左幾億,新能源裝機投入只有3成幾4成,佔6成的煤電去年只賺7億,今年欲大賺27億幾,可能是煤價做左長約,令煤價穩定,保障左火電盈利,但火電始終佔盈利的份額少,今年至今一座火電都冇起過,全力興建新能源發電,到更多風電,光伏投入生產後,盈利會爆炸式上升.

我的愛股836華潤電力中期盈利93.64億,是一眾電力股中盈利最多的,増長39%,派中期息0.455元,較去年的0.328大幅增加近39%,836另一好處是不用扣10%股息稅,去年可能覺得中期派得少,其後無端端藉口上市20周年,加派特别股息0.5元,今年唔知會唔會又派特別息.每股盈利1.95元,若盈利持續増長,每年每股盈利將超過4元,23蚊不到的股價,又係得5至6倍市盈率,平到冇朋友.

此ETF上市不足一個月,上市即遇上中特估大調整,上市價10元,此ETF發行量極少,我誤以為發行量為1億零8百萬股,市值10億元多d好合理,原來我真係眼花,發行量只有1千零80萬股,市值只有1億元多d,還要分開3隻俾人買賣,以港元計價的3437,重有以美元計價和以人民幣計價的,搞甘多野市值都係一億元,重要每手只有10股,買10手一百股一千蚊有找,今早3437第一單成交就是買入100股,成交金額941蚊,買甘少手續費都蝕埋,因此起碼要買幾仟股才划算,此ETF平日甚少成多,小則一天得幾仟蚊,多則十幾萬蚊一天,此ETF上市擺明係做實驗品,我在3437上市第三天千辛萬苦才買到2500股,均價9.5元,之後跌到9蚊樓下,又係好艱難先買到2500股,均價8個9毫幾,上星期五在開市前出現大手成交,一次過成交2百萬股,可能係發行商或者國家隊買番,3437是買齊46隻在港上市的高息央企股份,但唔包括4大内銀,銀行股只有招商局旗下的招行一隻,權重跟足國新港股央企指數,前十大權重股全是三桶油,三隻電訊股,2隻煤股神華同中煤能源,2隻電力股中廣核同華潤電力,十大權重已佔近6成份額,其餘4成權重由另外36隻央企分担.此ETF宣傳息率高達7厘幾,過往表現大幅跑贏恒生指數同恒生科技指數幾條街,我都相信他是一隻穩定超高息ETF,就算某隻央企爆雷都影響唔3437,每年3月同9月派息,因出世唔着時,大部份央企派左未期息他才出世,因此9月的派息唔慌會多,但下年3月,9月派息會好豐厚,我只有5仟股3437,揸左幾乎一個月,今日總算有微利,但我都會放埋一邊長揸,經過成個月實驗觀察,此ETF跌極有限,升就無限,又有高息打底,唔駛研究邊個版塊中特估會升多d,佢一次過買齊,缺點係冇甘多貨俾人買,貨多沽貨又有點麻煩.

 今早工中建農4大行的A股晨甘早又創歷史新高,加埋2桶油,神華,中移動的上升,呢8金剛就是A股的壓艙石,若沒有他們的貢獻,上證恐怕現在得2200點,今日A股還是要微跌的,一直話A股唔識升的人,只是他們不願意買高息中特估.這批股份的H股自然也受惠,就以939為例,收完4毫子股息後,股價已升返上5.8元樓上,哪怕你是4至5蚊才買入,就算5個幾買入,都係近乎零風險贏到笑,其他如石油,電力,電訊都有類似收益,今天隻中石化,中國神華突然升得特別多,都是有高派息比率同持續派息能力,吸引資金買入作長期投资.

 拼多多因業績差過預期少少就大跌25%,收市不知會否好番d,連帶巴巴股價也下跌4%,電商生意卷到飛起,只能靠燒錢消滅對手才能生存,這無疑對一大班憧憬巴巴9月9日入左港股通後,股價會大升的蟹民兜頭淋了一盆冷水.PDD講明會以服務質素對付對手,包括減價,減收100億手續費培養中小商戶益用家,巴巴京東不想卷但PDD就是要卷,玩埋身肉博所以不分紅不回購儲足彈藥來迎戰,邊間會死先好難講,呢類電商股唔掂就唔會輸,9月9日起,恒指公司會將巴巴,美團,京東列入恒指消費類,不再是科技股成員,算有先見之明.科技類指數股份只剩下6隻.分別是騰迅,小米,聯想,網易,中蕊同比亞迪電子.

 今晚中石油的中報顯示實現油價為每桶77.45美元,比上年的74.15美元高出4.5%,星期四出中報的883相信業績會靚到爆炸,之前一大堆專家講了些似是而非的利淡三桶油道理,甚麼世界經濟衰退,會影響石油需求,中國電動車發展迅速,用油需求將大跌,假若油價跌到2至30美元一桶,三桶油會跌成點？又話負油價都試過,冇野冇可能,呢班人唔去做電話詐騙真是浪費了他們的才華.

 857中石油半年盈利886.1億,増長3.9%,派中期息0.22人仔,較去年的0.21人仔多少少.典型的中特估股份,持有以年計定必有可觀回報,當然升左好多才買效果就會大打折扣.稍後公佈業績的883,相信盈利増幅會是三桶油中最好的一間,若能加些少派息比率就更完美.

 中石化十幾年内都保持每年派息2次,每年派息2毫至3毫幾人仔,股價也是近呢2年才大幅上升到6個幾,之前一直在2個幾3個幾之間遊走,若持之以恒,揸個十年八年收息,甚或複投,先不說股價升左多少,單收息都收回成本,内地有一老散,自稱暮年老頭,持有中石化已有十七年,只買中石化一隻股票,不理股價升跌,收到股息就再買落去,期間中石化因股價跌過而俾好事者取笑,但他說股價下跌下是好事,可以買多些股份,數年前已儲夠股份,每年單靠派息已夠生活,國内其實有不少平民百姓擁有大量存款,但欠缺穩陣的投資對象,有穩定派高息能力的央企自然成為他們追逐的對像.這類央企的A股升得多,沒有一早入場買貨的内地散戶,收到的股息也會較少,同股同權但股價平一大截的H股自然成為他們的目標,即使要收28%股息稅也划算過買A股,而内地險資買入H股長久持有更不用多交28%利息稅,最近半年已有不少内險舉牌不同行業的高息H股,舉牌意思是持有5%以上公司要公開,買唔夠5%的股份可能更多,今年南向資金不斷買H股已證明這一切.

 中石化昨晚深夜才公佈業績,盈利371億,増長2.6%,歸母淨利355.8億,増長1.7%,每股盈利0.296元,中期息每股派0.146元,派息比率49.8%.期間自由現金流大增,承诺未來3年派息比率不少於65%,並會持續回購股份,算是一份唔錯業績,可穩定收取股息多幾年,股價大概率也會上升.至於回購股份並注銷,會在A股進行,準備以8至15億回購1億5仟2百萬股A股,價格上限9.81人仔,上星期A股收6.82人仔,管理層是否暗示股價可能會升到9蚊人仔以上.

 4大内銀已經升足3年,但每年都有不少基金經理唱淡4大内銀,個倉從不持有内銀,理由離不開買左會賺息蝕價,股價不會上升,更有系統性風險,派息不穩定等等,本港著名燈神基金經理摸頂英更長期看淡内銀股,說絕不能沾手,買左只會死路一條,但又講唔出邊隻港股會有前景,故索性放負說港股完全不值得投資,投資港股是在浪費時間,但事實近幾年投资港股賺大錢的大有人在,自已水平唔夠賺唔到錢就認定冇人能在港股上賺到錢,未免有點幼稚及不知自已認知不足.工行一年淨利潤3610億,建行3231億,農行2586億,中行2375億,4大行股價過去三年升左成倍,現價PE都不足7倍,反觀内地創業版1300隻股票,一年淨利潤加埋得2284億,平均PE30倍,賺得最少的中行一隻的盈利已多過哂整個創業版,造成此殘酷現象原因是創業版股份過去被過度高估,而4大内銀的股值過去被嚴重低估,因北出現合理估值回歸,4大内銀上升千股跌的事情不停出現,過去對内行不屑一顧甚至嫌棄的投資,如今叫你高攀不起,股價升左甘多至追入又怕摸頂,唔買就眼光光見内銀不停上升,假設盈利冇變動,4大内銀還有3成上升空間,到時股價才會到達10倍PE水平,若盈利還有増長,上升空間會更加多.摸頂英過往多番在高位推介維他奶和農夫山泉,而家提都唔敢提.345由幾十蚊跌到而家不足5蚊,揸住一股維他奶都買唔不起一包維他奶,縱然股價已不斷腰斬,但現價PE仍高達44倍,可想而知,過往高股價是多麼的不合理.

 中煤能源由於股價不停上升,升到8個幾9蚊,去年未期息派0.442人仔,現價息率只有5厘多一些,但個幾月前無端端派特別股息每股0.113人仔,成功留住小股東,今晚公佈中期業績,盈利達106.95億,雖然較去年大跌16%,但仍是暴利,國家已講明未來日子會儘量減少煤炭消費,煤價不大可能會再狂升,規模細的煤企業應會受影響,但神華和中煤這2間煤炭央企龍頭則不會受太大影響,這2間央企生產優質煤,在國家的協調下,會和各有需要用的央企簽長約保障雙方利益,煤價下跌只會令神華,中煤盈利減少,但仍是可觀的盈利和有持續性,更重要這2間企業派息長久慷慨,中煤今次業績倒退,但仍破天荒派中期,將可分配利潤儘量分給小股東,今次中期息又派每股0.221人仔,今年連埋特别息,每股已派0.776人仔股息,相對8個幾的股價,絕對是高息股,對於長期支持者如在4蚊左右買入的小股東,簡直是送禮,今年收息都收7毫幾,加埋過往收的股息,唔駛好耐,收息都收到零成本持貨.

 中石化386收完未期息每股2角人仔冇耐,今晚又會宣佈中期息,樂觀派相信今次會派0.18之人仔,A股中石化已升穿上次高位6.8人仔,今次可能輪到拉動中石化上升,昨天中石化和國家能源集團一起啟動央企氫能儲動計劃,中石化應已在氫能發展上已有重大突破,若能將氫能轉化成盈利,前景將一片光明.

 6大内銀市值9萬億,比創業版一千三百幾隻股票加埋的市值還要多,内地大量小散戶整天在吐槽,自己手持的股票天天下跌,股價已腰斬再腰斬,内銀股憑甚麼天天上升,還不停創歷史新高,A股根本不是人玩的地方,要銷戶不再玩股票.他們手持的股票,絕大部份都是過往市盈率都在一百倍以上,如今股價縱使已腰斬,但市盈率仍是4,50倍,PB幾倍,一點都不便宜,還有大幅下跌的空間,反觀内銀股,就算現價再上升3至4成,市盈率仍是單位數,市帳率仍細過1,根本不是泡沫.更為重要的是新八大金剛,包括4大内銀,2桶油中石油,中石化,中海油因未入指數成份股故無份,加埋中移動,長江電力呢8隻國有核心資產,就等同美股的納指7雄,只要這批股票唔跌,指數也不會大跌.

 又做左傻仔,12.22買貴左濰柴,其實可以排低d買,呢頭買完又太心急排12.52出貨,又賣平左,話雖如此,其實都好開心,拑幾吓電話,就夠食個幾月免費早餐,更開心是今早又手多買入中國重汽,買入後沒排隊沽貨,呢隻升幅重高.寄望今晚中石化同中車出超靚業績.

 昨天2338出左份極亮麗的中期業績,營收只増5%但盈利大增5成去到50億,派息也大増,派息比率加到55%,今年高位升穿過17蚊,之後幾間外資不停沽貨獲利,AH股一齊沽,但A股有社保基金在低位接左好多貨,H股就反覆下跌到11個幾才企穩,但踏入8月份,細摩不斷増持2338,可能提前知道2338業績好,更大可能是見到譚主席在8月首次大手買入5仟幾萬股2338,幾乎是發行股數的1%,可能是受惠於股權激勵,只要kpi達標,就可以以超平價買入公司股份,呢d才是真正的春江鴨,如無意外,今日2338在跌市中應會大升,正考慮會否跟搭一程順風車.但呢位譚總剛於8月12日辭去集團内所有職務,理由年紀大,濰柴也可以說是他帶領壯大的,退休前買甘多股,是否對公司前景極有信心,5千幾萬股,先不說市值成5億幾6億,揸住甘多股數收息都可食過世.

 第一間是中國重汽3808,重型機械車輛製造商,受惠國策,大規模更換舊設備,又有出口國外定單,股價又係在年頭至今升左5成,回都唔回,過往不派中期息,今次中期盈利増加39%,加派中期息每股0.72港元,去年派中期息個零港元,20蚊股計,都有5厘幾息,已除淨但要9月至派息,若加埋中期息,又變成一隻有8至9厘息的國企股.另一隻是中國電力,派息一向是電力股中派得最少,不是高息股,中期盈利大增5成,不派中期息,但借頭借路派特別股息,每股0.05仙人仔甘大把,雖然派得唔多,但意義重大.今個月陸續有大量央國企公佈中期業績,驚喜也都有可能陸續有來.

 升得最明牌的是1816中廣核動力,下午升夠5%俾你看,一年升左7成幾,大漲小回格局,就看你敢唔敢買,未來本港中電未來冇左煤炭發電,欠缺的電力只能向内地購買,核電是首選,現在中電不少電力都是來自大亞灣核電廠,要佢起新能源發電廠根本冇可能,未來只能向内地電網買電,甚或合約期滿改交由内地電力集團營運.另一隻836華潤電力,天天北水都在買,每天只買2百萬股,價升價跌都照買,買足7個月,年頭至今已升左5成,但不會引人注意,每天成交金額同升跌幅都甚少出現在排行榜,目前北水已買了近20%,可能大部份都係内地險資買來收息.正如小米1810北水在股價下跌下増持了一個月,今天不裝了,近70億大成交下股價大升,此股早前已預估會大升,但我都話過唔會買,因北水不是買長揸收息的,等股價大升過後,本地散戶才後知後覺高位追入,走得慢就會俾北水割韭菜,這玩法唔啱我玩.

今日各大傳媒爭相報導淪為銀主盤的紅磡祥褀中心終於找到新買家,好大機會是央企中國電信,出價25億買下整幢寫字樓連大批車位.一位陳姓内地炒家,於2019年以呎價萬六蚊,用左45億向會德豐購入,當時正值超低息年代,屬於荀盤,據香港商報導,當年恒生銀行獨資向陳姓炒家提供46億元貸款,當時陳姓炒家曾估計此幢物業起碼值70億,並曾於22年找測量師估值,當時估值為70億元.可惜好景不常,之後地產市道轉差,該名炒家周轉不靈斷供,於23年3月淪為銀主盤被恒生收回,恒生馬上委託測計師行以50億放售,根本無買家,不久降價至35億都係找不到買家,如今25億才找到買家,借出46億,收回物業賣出才收番25億,恒生成為最大輸家,無端端冇左20億,炒家大不了破產,低息年代銀行為爭取生意,搶住亂借錢俾人,越進取越易出大事,物極必反,現在銀行放貸極度保守,儘量不借,以免壞帳大幅上升.

 之前出盈喜的393,只說會増派中期息不少於70%.去年中期派2仙,剛出業績派中期息4仙,今天393收1.01元,若今日才買入單中期息已收左近4厘,若股價唔升,未期息只要加少少,又係一隻冇物成交的十幾厘高息股.其實呢間公司本業賺錢好少,上半年只賺2448萬,每股盈利1.62仙,但派息派夠4仙,錢從何來,市值只有15億,今次派中期息都派左6仟萬,買左十幾二十億元三大内銀,收股息都收億幾,派高息都係派番俾自已,去年未買夠内銀,未期息都派4仙8,派左7千幾萬股息,今年肯定唔止派甘少,最緊要股價唔好大升,最好長期唔郁,除完淨後填番跌幅就算,小股東年年收超高息都咪話唔爽.

 今早才信誓旦旦說短期不會沽出増持的386,會揸住等收中期息,結果下午開市,見386股價比買入價升左8格,扣除使費都有個幾巴仙執,排3.96沽,唔夠5秒就俾人掃走左.跟手又排隊買剛於前天創左多年新高的中車1766,買入價3.26,前日新高價3.32,完全唔調整,此股年頭3.41起步升,唔計派息,升左5成以上,佢個仔時代電氣一樣由年頭21蚊升到而家31蚊,一樣係升5成以上,唯一分別係中車派息遠高於時代電氣,呢兩仔爺在星期五會一齊公佈超靚的中期業績,本身中車都有些貨,近幾個月多次偷位趁低買入然後做T獲利,是長揸能賺多d或不停做T賺多d,應該是長揸能賺多d,除非做T的次數好多甘就短炒會賺多d,最好的方法就是長短倉兼用,短炒的好處是可將盈利提早變現落袋,長揸就可財息兼收,慢慢變富,當然不是所有股票都可以同時長揸又短炒,只能是有前景的強勢股才可如此操作.

始終對冇盈利的企業有d戒心,今早排2.1沽昨日買入的187,果然有接盤俠出手, 有3%盈利落袋都好滿意,沽左貨又要搵野買,見隻中石化跌落上次増持買入價4.88,又買番386.上次在4.88増持386,本意是收佢重未公佈的中期息,經過多番掙扎,最終都係忍不住手,在5.01沽出,今日又跌番落上次買入價,點可以唔買番,今次真係要收佢中期息,除非386又升番上5.05至5.1,我會沽出短炒部份當提早收股息,386前景是唔錯的,氫能會是日後盈利爆升的引擎.

 Walmart擬以昨晚京東美股收市價折讓11.8%出售該批股份,並委託大摩負責,昨晚京東股價本已跌4%,盤後再大跌10%.Walmart 在2016年曾購入5%京東股權.

 公佈中期業績不是最重要,通告中說會考慮派發中期息,考慮即是9成9會派中期息,相信六大内銀已有共識.今天A股工中建農繼續創歷史新高收市.工行更壓過中移動成為市值最大的A股股王,排第三是建行,第四是過氣股王貴州茅台,差少少就俾排第五的農行超越.

 此H股市值僅2億,北水已買在38%,A股今日收8.1人仔,我下午2.03至2.04買左些少.早幾日出左中期業績,蝕左3百幾萬,但已較去年同期蝕2千幾萬大幅改善,記億中22年此股4個幾5元,過去一年最高3.26,最低1.88元,今日買入價距離全年最低價已不遠,點解買隻冇盈利的國企,一來貪佢平,2來他是做機床,高端工業設備,國策鼓勵更新高端設備,相信好快會有盈利,第三是最重要一點,他是氫能設備股,氫能車的貯氫裝置,他已是供應者.昨天全國4個省宣佈收費公路免收氫能車過路費,氫能車日後可能會遍地開花,下午A股一大堆氫能概念股大升,我就博大霧入定187,希望有人來做接盤俠,接我d貨,若明天唔升,就陪北水一齊坐貨.

 工行原本租開新地創紀之城,租約期滿,改租李首富海濱廣場,平好多,重可租多幾層,李家劈價從不手軟,你肯租,我肯減,租20萬呎的大客已不多,今次呢單deal是本港今年最大商用寫字樓租賃.

 上星五恒指季檢,沒有新舊成員進出,但權重分類大變.科技類變得最多,首先剔走阿里巴巴,美團,京東,百度等權重股,不再視他們為科技股,將他們列入消費品和非消費品類別,因此令科技類成份股只剩下6隻,分別是騰迅,小米,聯想,網易,中蕊,比亞迪電子.權重只剩下13.7%.相反消費類權重也加至27%,科技加消費股的權重佔恒指4成權重.金融類所佔權重最多,達3成3以上,其中建行939權重加到5.7%,成為十大權股第5位,僅次於排第4的美團5.74%少少,頭3位是各佔8%的匯控,騰迅,巴巴.第六至第十權重分別是友邦,工行,中移動,中海油,小米.呢十大權重已佔恒指成份股54%,其餘72隻則佔餘下份額.我發覺9月9日新權重生效後,ATM的影響力已下降不少,三隻加埋權重都只是21.74%,而央企中特估成份股,包括内銀,三桶油,中移動,聯通,神華,華潤電力等加埋已超過27%,而匯豐加友邦也有13%,金融類至重要,建行,工行,中行,招行,中人壽加埋中銀香港,權重比匯控加友邦還多.只要成份股的中特估唔跌甚或持續上升,恒指跌極有限.而科技股大執位,留下大量空間俾重沒橫空出世的央企科技估來港上市,中特估股價的話語權在國家隊手中,外資冇能力惡意造空,令股價大幅下跌,港股已越来越A股化,持續上升的都是個十幾隻央企中特估,升太多會跌,跌完又會升返,港股的内銀應未升完,估值重係好低.

 有大量港澳建築工程合約在手的3311,中午出左中期業績,盈利増加12%,賺50幾億,市值只不過570億,我最關心是會加派幾多中期息,結果冇令我失望,由去年的27.5仙加到今次33仙,増幅20%,派息比率仍好低,只有31%,有大幅増加的空間.此股不用扣10%利息稅,我7個幾買的,若未期息又加20%,隨時又收9至10厘息一年,都係嗰句,為何當初唔買多d？

 A股4大内銀天天創歷史新高已是家常便飯,今天再創歷史新高還有交通銀行,浦發銀行,中移動是浦發銀行的第二大股東,持有近20%股權,揸左超過20年,真係肥到衭都着唔落,前年中移動又獨力接哂郵儲行増發的股份,成為第二大股東,同時又大幅攤薄李首富的份額,當時中移動是以溢價買入郵儲行的,有無知的專家笑中移動傻,執行無利可圖的國家任務,中移動一點也不傻,傻的是所謂的專家.

 今早A股的高鐵軌道概念股大升,中車,中國通號等相關H股自不然跟升,這兩隻股原本只想短炒,升幅已遠超預期,看個勢頭應未升完,又要忍手唔沽住,惜貨如金,以免走寶,我呢對孖寶過往都短炒左好多轉,已好滿足,今次貪心d,不走短線.

 長實洪水橋項目lyos早前有10幾個買家在買賣完成前選擇撻定,以減少損失,以為損失左已交定金就冇事,但長實嚴格執行合約精神,向撻定者追差價也有理有據,總不能輸打贏要,但長實今次確實做得有點過狠,一般人以為差價只是原價減去再售時價格再扣去已付定金,殊不知重要計埋期間未交餘款的利息和管理費,例如一層樓以500萬買入,俾左50萬定金,之後撻定,發展商重售賣左400萬,差價本應只是50萬,但若加埋7厘以上的利息,期間的管理費,發展商的律師費,文件費,總之所有費用都要撻定者付,差價就不只50萬,隨時要再多幾成,做到甘絕,就是要令大量以建築期付款的業主不敢因樓價跌而在成交前撻定,長實開左第一槍,其他發展商相信都會效法,消失左近20年的都說傳説追差價竟重現江湖,lyos此字是甚麼意思,有說是Live your own style縮寫的意思,真是天大的玩笑.style改成nightmare會更貼切.

 之前是A股停止買賣,但H股107照常交易,已出公告說是準備向母公司購入一條湖北公路,將以發行新A股加現金方式進行,作價約22億人仔.到昨天A股後牌,但H股卻停牌,理應是好消息,但A股成渝反而大跌,收市倒升幾個價位.到昨晚公司更新最新狀況,說發行新股定價在5.01人仔,昨天成渝收4.82人仔,變相在送錢,今天成交大增下就俾人掃上5.01,之後就有人獲利,有人繼續買,執筆時報4.98,收市可能會升到5.01,四川成渝AH巿值不過150億,一年賺十幾億,市盈率得幾倍,已承諾未來3年派息比率不少於60%,去年已派6成,正如通告所講,多左條有穩定盈利的公路加入,會令公司規模增大,盈利大幅增加.我相信即使發新A股,產生的攤薄股份效應,會俾新増的盈利修復,派息會更多.107停牌前報3.18港元,若A股股價高於5.01人仔,復牌後的107又會俾人搶住買,去年107每股派息0.26港元,相對股價3.18已是非常高,我買入107時股價只是1.6元,去年收0.26元股息扣埋10%利息稅講緊收15厘息以上,只怪自已買得少,若係重倉就太美好了,呢隻稀有品種絕唔會賣,更唔會做.

 今日又多一隻62,載通,新地的子公司,竟然唔派中期息,唔係窮成甘掛？若遲d新地業績公佈,減派息太多的話,股價隨時大插,長實同長和都係減派9%,今日升市股價都要跌3至4%.減派息真係是條死罪.

 今早建行,中行A股齊創歷史新高,工行,農行也逼近歷史新高,4大内行無論AH股今年至今都升左唔少,稀有的高派息品種,唔會好似港股大量股份隨時減派息甚至唔派般,來緊内銀公佈中期業績,應該會實施初派中期息,部份股息提早落袋,最啱唔等錢使的散戶,提早複投,令股數累積增加,到派未期息收多d,錢生錢令財富不斷増加.

 2間公司業績算冇太大驚嚇,股價也已大幅下跌反映左,長實業績有一句可圈可點,售樓會採用貨如輪轉策略,只差沒講白d,為求清貨,會不惜劈價.

一度是本地老散的高息愛股709,出左份走哂樣的中期業績,盈利減少37%可以原諒,中期息大減53%,由去年的17仙減至今年8仙就令一眾在2個幾3蚊為高息買入的散戶心傷,如今股價已跌至個半,大減派息都重可以呃人話係高息股,現家買就係高息股,之前買的人就當你唔好彩,某家人多次想取得控股權不果,當初被嫌出價太低不成功,如今玩攪炒,揾大舊錢迫退舊行政總裁,再搵2個富三代入去做高層,如今股價大跌,已大幅低過上次收購價,大可提出更低的收購價,呢家人自已d公司股價都搞到一鑊粥,有板你看,但凡他們看上想沾手的公司,真係要趁早離場以保平安.

 第一隻是981中蕊,應該重會升多10%以上,但已賺左5%,加上佢從不派息,浪費機會成本,一於賺左先算,本身已有2000股981,均價13個幾,諗住長揸等見證981有朝一日成為晶片巨企,因佢冇息派,不能揸太多,影響錢生錢.另一隻是1072,本身已有貨,重係賺緊好多,昨天大跌,在9蚊買左少量博反彈,都係買貴左,今早反彈,昨天加左的貨執左3個幾巴仙就走左,其實反彈未完,應該可以揸耐d,但不能太過自信,都係賺左先算,至於3320重未賺到價,賺夠4至5%先走,一早知會升的小米,因為是民企,所以唔買,若買入短炒賺得最多會是佢.

 果然不出所料,李大少甘快已準備好哂1038第二上市工作,在倫敦交易所上市,股票編號CKI,看來李家將逐漸淡出香港.

 東方電氣AH股同時大跌,成交大増,A股下午重跌停版.劇本同2個月前時代電氣幾乎一樣,時代電氣是做路軌設備,訊號等,股價一樣是從低位升左4,5成都唔大幅調整,當時大跌過後,時代電氣晚上就出盈喜,第二天股價就V彈,收復哂失地,之後股價重有得升.今晚東方電氣出通告,話1至7月,新増定單大増19.2%,風光水電樣樣齊,列哂詳細數字,重話公司盈利健康穩定增長,完全冇問題.不知明天會否大幅反彈,我估今日大跌原因有2個,第一外資UBS在8月6日才増持左近6百萬股H股,今日成交已超過此數,可能此外資真係蝕住減貨撤離香港,更大可能此外資一路沽一路低位買番,係度做T揾錢.第二是1072單50億元人仔増發A股拖左成年重未取消,要令股價下跌,才能令鐵定的認購者有水位獲利.另外東方電氣亦公佈今日在A股回購股份,無講買左幾多,只係話累積回購左9百幾萬股,佔發行股本0.3%.回購以1%為上限,重有0.7%額度.話哂東方電氣都係央企攞A的優等生,一定會做市值管理.

 今晚香港零一有專題報告,標題為誠哥又贏.其實唔關誠哥事,事緣亞州地產蔡志忠,幾年前參與世紀大買賣,以呎價3萬3蚊認購左中環中心22樓全層,一年後他將全層拆作12個單位出售,全部售出套現11億,執番身彩,其中22樓11室由一名93歲老炒家買入,3仟一百幾呎,用左1.14億元,呎價3萬五,之後租左俾間基金公司,近日呢位老人家終於找到新買家,以4200萬售出,呎價萬三,未計使費帳面蝕足7千萬,之前曾以6千萬出售,但揾唔到人買,只能再劈價才賣得出,征戰多年的93歲老將,都敵不過殘酷的大勢.

 中移動A股今早升了2%,941升幅也相若,不久前中移動A股由108元人仔跌落100元,941也不能倖免跟跌,高位沽貨者好大可能包括國家隊資金,高位沽貨,低位接回,持股量不變,但多左一大筆資金,以戰養戰,日後又可以唔需要新錢買更多中移動,國家隊才是做T的絕頂高手,中央財金官員已多次明申投資者要做耐心資本投資者,買股票短期致富是不可能的,只要買了優質的高息股特別中特估,根本無需理會股價短期的升跌,長期持有必有回報,股價會有專人看住,跌極有限,跌完又會升番,做靚T呢d粗重野,留番俾國家隊做,錢都係留番俾佢地搵,除非你自問是天選之子,骨骼精奇才可出出入入,揾更多的錢,若眼高手低,高買低沽,隨時變左國家隊刀下韭菜.低位買左只要持股不動,短期股價上落對你全無影響,賺息賺價就是你最好的回報.

 Aviva這間英國保險金融公司,幾年前進軍英國陸上和海上風電業務,買入左幾個風電場.新能源發電已是必然趨勢,李大少也看中這版塊,據悉已達成協議購入相關風電場.有左發電項目,1038可能會往英國雙重上市,變身電力公司,估值可大幅提升.

 旭日393,不是搞本港地產的旭日綽號玩具大王嗰位,昨晚出左盈喜,預計半年盈利升幅不少於39%,中期息會増加不少於70%,點解甘把砲,全因楊主席在低位不停買中行,建行,工行,中行買夠就買建行,最後買工行,買左將近20億元,成間393市值得15億,本業賺錢不多,最大盈利來源來自投資三間内銀,淨係收息都收到笑,重未計股價升幅,幸好佢冇炒樓炒鋪,及早抽身而退,早2年買左内房債揩左野,前年開始跟國策,將資金買哂内銀收息,反敗為勝,而家發財立品,不久前捐款5千萬俾4間大學發展數學.早排股價都係8毫幾,而家在1蚊樓上,此股街貨甚少,大幅加派息都係派番俾自已,若8毫幾子買,息率都相當高,可惜當時冇買,但今年大加派息7成的話,現價1蚊都好和味,去年中期息2仙,今年話會加70%,即係3仙4,都已經3.4厘息,去年未期息4仙8,假設股價唔升,未期息又冇加,都已經8厘以上,若未期息又加幾成,豈不是十幾厘,若股價唔郁,現價買來收高息都唔錯,但此股太冷門,成交又細,大股東同相關人士揸左絕大部份股份,要買得多都有點難度.

 上周五見941跌到有點過份,本身已有重貨,全是40幾蚊買的,收左十零蚊股息,實在無必要在70蚊樓上再加貨,但上星期五短炒目標股份隻隻升,唔買野唔舒服,唯有買隻下跌的941,70個6買左1千股,今早71.7走左,用7皮野資金,賺得7舊幾水,其實都幾傻,幸好都係用左2日時間甘大把,今早又難忘舊愛,買番隻下跌的3320,5.58搶入,目標又係執4%又賣走她.

 這批股份包括3311,3320,38,257,1193,152.已不可能會再跌完就升,升完又跌,給人無數次機會做T獲利,確認左強勢後,股價不會再大跌,只會橫行,每天升少少,間唔中大升一天半天,這批股份現在只能長揸,等佢升得過份才食胡.3311中國建築國際創左3年新高,當本港各大則師樓強迫員工放無薪假,多間本地老牌建築商排隊結業,此企業就生意好到不得了,快將公佈的中期業蹟肯定亮麗,派息肯定大増.此股過往半年走勢都是收貨格,升近10蚊一定大幅回落,跟住又回升,7個幾8蚊買入的散戶,升到8個幾9蚊就會覺得升勢已盡,就會交出籌碼獲利,收齊貨後就會展開大升浪,低位唔買的散戶,升左甘多更加唔敢同唔會買.

以杭州銀行為例,活期存款一律0.15厘,半年1.14厘,一年1.16厘,最長5年期2厘.其他中小銀行都差唔多,北京銀行5年期利率更只得1.8厘.難怪利率2厘幾的中長期國債出幾多都俾百姓搶購一空.今日港股4大内銀全部上升,升幅都在1%以上,看來4大内銀才是最大贏家,資金成本低,大額貸款的對象又大多都是大型央企,甚少不良貸款,最大壞賬的房地產危機又已爆破,不會再帶來風險.939收完股息,唔覺唔覺又升上5個5毫幾,財息兼收,買建行收息,當然越早買越低買更好,肯定好過在建行做定期收息十倍.至於快將發行的政府零售債券,更加是雞肋,僧多粥少,一人最多分得幾手,揸幾年都係得雞碎甘多.

 A股環保股今早大升,連帶長期虧損又從不派息的民企895東江環保今朝都喪升3成,業務最正宗規模最大的央企257今朝都升唔夠4%,895擺明是妖股,可以升3成也隨時可以倒跌,我自問冇本事玩.上星期在3.51増持257,本意是想收取他的中期息,上年14仙,今年估會大幅增加至20仙,本身已有2個幾的平貨壓倉,今早排3.78,執27格,已好過自已預計會派20仙,當提早收息落袋,中期息派20仙都是自已樂觀估計,未必會派多,但257同1193走勢同樣凌勵,大有再破早前新高之勢,上星期五沽左1193短炒食胡後,今日隻1193重繼續升,升近3%,短炒賺夠數已很滿足,短炒繼續奉行貨如輪轉策略,今早3.78沽出257,估計257好快又會重上4蚊,若真的升穿4蚊都不會後悔,因本身有貨,穿升4蚊或更高,我會更高興.

 日本前兵壇一姐石川佳純一直是馬龍的超級粉絲,甚至已超越粉絲程度,對馬龍情有獨鐘,曾不諱言對馬龍十分有好感,最想和他一起搭檔合作打一場混雙.可惜馬龍是神女有心,襄王無夢,早已有意中人,娶了個校花結婚已8年,還有了孩子,所以馬龍從來沒單獨和石川佳純相處過,照理石川甘靚女應該有更好選擇,但今年已31歲仍單身,雖然她沒打擾馬龍的生活,但仍時刻關注馬龍的一切,上届奧運退役後就轉做體育記者,今届就往法國做採訪,今届中國在女團拿到團體金牌後,就借機拿了一大堆pin, 奥運徽章紀念品送給女團三位成員,跟住向好友今届女單金牌得主陳夢給了一個pin,請她代為交給馬龍,陳夢也會意了,笑着對石川佳純說一定辦到,並替馬龍謝謝她.但不知是天意或故意,稍後時間,石川佳純和馬龍在場館碰上,石川佳純馬上送上馬龍最喜愛的海賊王徽章,馬龍也禮貌地回送另一徽章給她,跟住就急急腳離去,石川佳純當時那充滿幸福,喜悅的表情實令人動容,但馬龍已決定退役,日後可能再會無期,沒結果單向的幻想也應結束.

 重要的事情要講三遍,也突顯出中央減碳排放的决心和力度.主要是要嚴格減少煤炭的消費,儘量少用煤炭,現役的煤電要更換設備減少煤炭的消耗,另一方面大量興建核電,抽水蓄能發電,在沿海地區多起風電,海上風電.要完全取代煤電當然要一段長時間才能完成,煤炭股除左神華,中煤能源所受影響較少外,因此兩家企業已在轉型當中,本身又有發電業務,煤炭又是必需消費品,盈利有一定保證.另外國務院又強調要增加油氣開採能力,特别是天然氣,要儘力開發,儲備多一些庫存,每年仍要從國外進口6至7成油氣才夠用,實在不太理想.發展和擴大氫能和儲能也是急切的事.具體的指令有短期内要換哂所有用油的公交車,轉哂電動車或氫能車,又有指標每年要起多少座抽水蓄能發電站.另外又要大搞環保,節能節水,加大固體廢物循環再用,預估2030年固廢循環規模可達15萬億.講左甘多野,邊d股份長期必受惠,相信都唔駛點講,正路都係d新能源發,如核電的1816,風水電的2380,836,916,專提供抽水蓄能設備及其他發電設備的1072,1133.環保龍頭257,天然氣霸主883,氫能王者386,這批H股雖已升左好多,有貨者不妨耐心持有,跌極有限,上升無限,冇貨者,趁有機會大跌時,可考慮買番多少.

 上海買賣941成交金額十幾億,有人買有人賣,只是輕微淨流出千幾萬元,深圳同樣成交額十幾億,兩市加埋接近33億,只是深圳沽941的資金多過買的資金,淨流出4億多元,941股價收市只跌1%,影響不大北水沽完就會有人買返上去,反而728同762因冇物北水買,深圳市的北水每隻都淨流出億幾元,搞到呢2傻H股大跌4%.

我向來較喜愛左側交易,只要有耐性和充足資金,勝算頗大,3320算是左側交易,但如今3320似乎已成右側交易,難以再有低位俾你買,相反1193華潤燃氣已是右側交易,確認升勢,一浪高於浪,升左10%可再升10%,若買入後升左10%後沽出,想再買番就要以更高價追入,有較大風險,若升勢已停,就可能要短炒變長揸一陣,風險大回報也越大,視乎個人承受能力.今早隻1193升近5%,短炒回報已超乎我想像,馬上沽出獲利,繼續玩貨如輪轉,隻隻目標物都升,唯有買隻下跌股份,就是941,70.6元買入,今早下跌原因是A股中移動下跌,跌到迫近100蚊,收市前已升近102元,下午隨時唔駛跌,70蚊邊買入呢注,相信短期都有幾蚊執,當提早收取股息,若不幸唔識升,就當儲股増加收息能力,簡單來說,冇得輸迫嬴多d.

北水今日將過去2天大手科買入的2800,恒生中企指數,恒生科技指數沽清,2800沽左80億,尚幸只是沽指數股,重係不停淨買入中移動,内銀同騰迅等個股.他們的套路就是如此,在2800不停做T,恒指大跌,他們就會大手買入盈富,有幾百點執就走人,等下轉恒指再跌又買過2800,他們只會長揸高息的中特估,而且越買越多.

 非常好,增加7%.盈利802億,增長5.3%,收入5467億,増長3%.9月24日就收到股息,夠哂快.今次派息比率僅64%,全年承諾派70%以上慢慢在3年内加到75%,留番的上升空間俾未期息,若盈利持續増長,未期息應更加合味.

 日本新生代兵乓巨星張本智和,奧運前曾豪言要帶三枚獎牌回國,包括金牌在内.但張本智和在今届賽事連番失利,可能太過自信,又或者被人捧殺,吹到天下無敵,混雙一早已被北韓神秘組合輕易擊敗,已是警號,但仍然當是偶然事件,8強對樊振東在大幅領先下被東哥絕殺,只剩下男團能沖金,今日對瑞典時又成為罪人,日本領先2局底下竟不能取勝,被瑞典追平2比2,最後一局安排最強的張本智和守尾門,歷史又重演,又是在大幅領先下被對手後上絕殺,金牌無望,只能與中國和法國的負方爭銅牌,若輸埋一塊牌都冇.賽後張本智和長跪不起,呼天搶地,說寧願死也不願接受這樣的結果,又表示天為何如此不公平,表現好的得不到回報,勝利反給予表現差的.若炒股學佢的心態,一定輸死,過往可能憑運氣取勝,以為自已好勁,輸左又唔檢討點解會輸,跟住唔改進,最後憑實力輸掉一切,就像買股過份自信,輸左唔服氣,開槓杆不停溝貨甚至all in,最後就無可挽救.

 昨天狂買2800近60億元,受外圍股市下跌影響,恒指一度下跌200點,及後日股止跌回升,A股又回穩上升,港股倒升百幾點,盈富今早成交達71億,一買一賣有35億成交,北水就算食胡都係食一半,更可有能是今早趁低買更多2800,跟住即日食胡,可惜年中取消左即時北水流向數據,只會在收市後才會公北水買在物,沽出物,唔俾人跟風揾著數.我估北水今日點都會食大半2800,若今天重係淨買入2800,港股後市重有得升.現在恒指權重股已減少左科技股比例,幾大型内銀都加左權重比例,現在金融類權重已大過科技類,若加埋941,883等中特估幾乎同ATM權重一樣,幾隻内銀,941,883唔跌又甚至升少少,都可令恒指不下跌.

 昨天北水已開始買盈富,但只買左幾億元,今早曾升3百幾點,北水都冇沽出,反而加倉買左近59億元2800,盈富今日成交額近120億,換言之今天的盈富基金幾乎全是北水買的,看來明恒指都係大升居多,希望北水唔好執幾個巴仙就閃,若北水能揸盈富耐d或者繼續買入2800,港股可能會有所突破.

 今日呢隻熊貓大升15%,點解升甘多,幾乎長年唔派息,盈利不多甚至有時冇盈利,只因他是全國唯一研究腦機接口的央企,將蕊片透過機器甚至直接植入人腦,以控制或恢復腦部功能,馬斯克都搞緊呢樣野,國家也將腦機接列入創新科技,予以大力支持,科技不能落後於人,最好能成為領導者.553過往都有短期升一倍的紀錄,跟住又大幅回落,跌到甘上下又會來過,說不定某天553技術上有所突破,甘就不會輕易回落,呢隻野跌到2個1毫幾就跌唔落,我都曾有過在呢d位買少少等大升,但唔知要等幾耐所以冇買,短炒都係買類似257,1193,38,1766,3320呢d逢跌少少短期必大反彈的央企,天天收錢,呢個版塊賺完就買另一版塊,貨如輪轉,不要看幾個巴仙盈利,幾十個3至4%就超過100%,重唔駛揸成十二個月.

 今早手多多一早掛5蚊沽386,昨天5.87買的,有13格賺,沽左想立馬搶入3311中國建築國際,昨天孤寒排10.5買,結果差2格買唔到.386開市不久就沖上4.99,似乎有資金到,馬上取消5蚊沽盤,但3311又大升,升穿11蚊,都係買唔到,本身有批7蚊買的3311擺响度收息,20幾號公佈的業績一定靚爆,派息也肯定隨盈利增加而大增,過去2年,每次派息都高雙位數増加.

一衆新能源發電比重高的綠電股如836.916.1816,2380今早全線上升,升幅介乎2至5%.國家近日不斷出政策扶持新能源發電,終極目標儘早達到炭中和,炭達峰,政策儘量傾斜於綠電,減少對火電的依賴,終極目標令火電消失,但需要時間, 新政策包括強制耗電量高的行業如電解鋁,7成用電要用綠電,又擴大綠證使用範圍,工業產品無論内銷或出口,都需要一定數額的綠証,用得火電多唔夠綠證的公司,唯有在市場購買綠證,連串措施一定能増加綠電的消納和盈利,盈利増加,才有能力不斷起新能源發電,風光水核各適其適.有綠電股在手者,可長期持有,未來幾年盈利都會大幅増長.冇貨在手者,唯有寄望綠電股有機會大幅回調時才吸納,綠電股已升左好多,調整又調整得少,想有低位買入也非易事.

 中石化大約會在本月26號公佈業績,相信業績不會太亮麗,派息或許會有些驚喜.其实386已在轉型中,氫能制造和儲存將是將來中石化的盈利來源,唔想睇甘長遠,趁低位買番多少,收下高股息,若股價有不俗升幅,可做波段操作,高位沽出,候低買番.三桶油中,中石化股價近期走勢已大幅跑贏其餘2桶油,一來是過去半年升幅遠遠不及中海油,中石油,因此冇大幅回調誘因,若計埋中期息,中石化現價是5個1,高位回調幅度甚少,今早在4.87買番少看門口,應該好快升穿5蚊,在業績公佈前更可能會升上5個幾,若距離買價有7至8%盈利,可能會唔等出業績而沽出獲利.今早國内公用股如1193華潤燃氣同257光大環境又蠢蠢欲動,跌唔落又轉頭向上,其實今早在25個幾排隊買1193,可惜差幾格做唔到,轉頭已掉頭回升好多格,至於257已重上我上星期五的買入價,呢排攞正牌可加價的公用事業股,都是短炒恩物,升得多就會調整下跌,調整完好快又會升番上次高位,區間上落,只要在相對低位撈到貨,好快又可食胡.

 今早排左5.41沽昨天買入的3320,雖不是最高位,但都賺左23格,在此股短炒連勝紀錄已達14次,又要等機會等佢回番十幾格再買番,至於4個7買個批就長擺,做左十幾次T,長倉批貨成本價已低到冇朋友.

日經指數昨天股災式下跌12%後,今早迎來反彈,港股昨天跌幅溫和,今天有望回升,资金流向重新執位,中港股市年内表現應大幅改善.

 3320今早升過2%,最高去到5.39,後來跟大市下跌,下午隊都唔排,直接5.17即入,期望短期有20幾格升又走人,保持短炒長勝紀綠,上星期五入的三隻股份,只有257低過買入價,其餘152同3969還高過買入價.

 亞太股巿全面崩盤,中港股市相對跌得少,日經指數年頭至今已將全部升幅蒸發掉,還要下跌3%,恒生指數年頭至今,仍有不足1%升幅.

 日股跌勢未止,恐慌性抛售,連3萬四都穿埋.平時買很少日股的散戶,以為是致富的機會,重注買日股,輸起上来可以輸身家.

 3320旗下子公司華潤三九剛公佈斥資62億購入28%天津天士力醫藥集團股份,成為控股大股東,與此同時國家隊國新投資也購入5%天士力股份,原有大股東只持有一成股份,其餘十大股東都是社保基金,内銀投資基金等,華潤三九是A股中藥/醫藥股的龍頭股,999感冒藥和999胃片是熱賣產品,中央是有心做大做強華潤三九,市值過千億是早晚的事,其控股公司3320現市值不足330億港元,其另一間A股子公司上個月剛併購了一間業務主要在中國供應血液的南韓公司,3320有十幾間子公司,在A股已上市有5間,未上市的幾間,子公司不斷併購其他公司,子子孫孫越來越多,假以時日必成一航母級的醫藥企業,身為控股公司市值得3百零億實在有點奇怪,我總感覺他在收集股份,每次下跌好快就回升,只是橫行,不是長期下跌態勢,我短炒都可短時間獲利十數次,更加強我的大膽猜測,中國人口老化已是事實,醫藥,保健,中西藥更是必需品,有龐大市場,最好方法就是盡收天下兵器,把各種類有用的品牌盡收旗下,由一大央企統一處理,可能幾年後,併購哂所有有價值的品牌,3320又會是一隻大牛股,市值由三百幾億升到過千億,股價都有3倍升幅.

 工信部副部長親身調研中國通號,參觀了鐵路訊號系統實驗室,並對中國通號在國内外技術上的創新和成就作出了肯定,副部長並為未來低空經濟的發展路向作出寶貴的意見.最新的提震内部消費的意見書,向有強大消費能力的群組作出三項選項,大力發展遊艇遊輪消費,汽車野外露營和低空經濟消費.深圳已率先全面進行低空經濟,已批了1000條低於110米的低空航線,各大城市也在爭先發展這項產業,中國通號3969除了在鐵路訊號系統上佔著近乎壟斷的領導地位,現在更率先在空中訊號管理系統中提早佈局,在無人駕駛,低空經濟中佔盡先機,我個人認為與中國中車1766一樣,在新質生產力已有極大突破,有可能是日後的大牛股,大牛股的意思是盈利連續多年大幅増長,股價升幅以幾倍計,利申2隻我都有貨,只是嫌買得唔夠多,長倉太少,短線炒賣獲利太頻繁,總有一天會賣飛買唔返,中車是今年中特估唯一未調整過的股份,長期在高位遊走,3969也有類似走勢.

在第二季,巴郡持有的7.89億股蘋果被大手減持至4億股,沽出近5成,持有現全破哂紀錄,現持有2769億美元現金,巴菲特肯定是幕後大鱷,在納指大跌前,把倉内持股最多,唯一一隻科技股大手沽出,佢老人家可能更已沽清日股,日股在兩星期内由4萬二千點跌到3萬5千點,大把散戶跟紅頂白,玩carry Trade, 借入日元買日股同日股ETF,同時又沽空日元,避免匯價損失,結果形勢大逆轉,散戶被大戶收割,日股大冧檔,日元由160兑一美元,短時間內大升一成,升到140幾,成個世紀大騙局,人多的地方最危險,個個都知一定贏的方程式一定不會長久,只是估唔到甘快散水,相反安安份份留在中港股市中的散戶或投資者無物事,只要選對股,直情可笑到最後,星期五人民幣兑美元大升一千點子,已升到7.16,人民幣資產大升值,若人仔轉勢變為上升,來緊各大H股的派息會因匯價上升而派多左,過往湧哂去美股市場的資金,有部份可能會重投中港股市.

 北水把前兩天買入的2800幾乎沽哂,沽左近29億,止蝕離場,同時連日繼續沽匯豐,沽左5億多元,今日建行派息,不知是否北水復投,淨買入左幾億元939,指定動作,北水繼續買入941同883.

昨天沽出3969,執左4%,今日趁大跌市跌近4%買番,若短期有4至5%執又會沽出獲利,昨晚公司又出通告通過可將唔超過27億的閒置資金去内銀做低風險理財,又係一間錢多到唔知點使的公司,應有大增派息的空間.另一間152深圳國際,持股不多,上個月收完息,在6個7沽哂152,博佢跌番多少再買回,等左成個月,幸好股價冇大升,早幾日又出左盈喜,今早在6.25買番,當多收左4毫幾股息.至於257,昨日低位買唔到貨,今日跌幾格補番,増持原因快將公佈業績,預期會派15仙或以上中期息,都係為收息兼看好股價還有大幅上升空間.

 前日恒生嚇死人的半年報,連累一衆本地銀行股陪葬,恒生業績看似冇物唔妥,又加派息,又回購,但都阻擋不了股價大幅下跌,今日90蚊都唔知守唔得住,三日跌一成以上,股價大幅下跌原因是壞帳率急増至5.32%,更要命是拖欠還款大増至80幾億,拖拖下隨時變壞帳,未來壞帳率會進一步增加,4大内銀的壞帳率一般只有1.5%左右,恒生是他們的3倍幾,恒生過往活躍樓宇按揭,特別是商業樓宇,如地鋪,寫子樓,若多幾個物物大王唔還錢,痕生會好大鑊,其他本地銀行也因11號仔大跌而跟跌,業績未必差過恒生,除非業績又是壞賬大幅增加.

 繼昨日日經大跌後,今早再大跌,短時間由4萬點樓上跌到現在得番3萬6仟幾,高位亂追日股指數ETF可以輸好多,港股夠殘,相對較安全,更有許多非指數成分股上半年表現得很好,炒股唔炒市,一念天堂,一念地獄,就看揸的是邊一種股票.

 883出通告說上個月回購左的16366000股已注銷,已發行的H股已減至445億6千萬股.今日北水淨流入83億元,單一隻盈富已淨買入20億元,若恒指升3百點或以上,佢地又會食胡走人,他們不會長揸2800,但又唔係鋪鋪贏,但多數贏多輸少,有時大手買入2800後,恒指重係下跌,他們會止蝕.今日北水又係買中海油,中移動,沽得最多是匯控.