故技重施
今朝一早排5.6沽出939,順利沽出,跟手又以3.88買入3988,繼續玩除淨前買入遊戲,有4%執又會走人,貨如輪轉都幾爽yy.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
剛剛我亦跟大師隊趁趁此風，將939會收到的股息全數買入3988
回覆刪除你肯定平過我好幾個價位買入,就算星期一唔升,都唔會點跌,唔想長揸,應該好快可唔駛蝕錢全身而退,長揸就更無加無須理會股價上落.
回覆刪除下午收市後與賣朋友喝咖啡，閒談中，他如大師之前所說氫能的前景亮麗，並趁除淨前買入了386。
回覆刪除補充：賣樓朋更看好7月中會後的利好金融和能源版塊政策
回覆刪除中證監已修訂證券法,大幅增加刑責,建構行政執法,民事追責,刑事打整三位一體保障資本市場良好運作,發佈虛假信息最高刑罰將由三年提升至十年,參與的中介機構和從業人員,罸款也由過去的50萬和30萬元,大増至1000萬和500萬,证券行,會計師樓,律師樓若敢幫手造假,隨時被告到破産同坐穿牢底.中央是下了决心要令中國成為金融強國,兩會一定會出台許多利好資本主場的政策,幾大國有内銀會受惠最多.
回覆刪除此留言已被作者移除。
回覆刪除