國資委話未來5年會投入3萬億作大規模更新設備之用

 國資委是管央企的,目的是令央企賺更多的錢貢獻國家,海信和海爾都不是央企,升幅應不會太多,更新設備後,相關央企行業的盈利會增加不少,而設備制造商最受益,3萬億,國資話會一視同仁,各行業都有份,電力設備都有份.除左重型機械如中國重汽,濰柴動力狂升外,拖拉機,長安汽車等央企都會持續上升,電力設備供應商1072,1133,今日升幅克制,未來幾年肯定有好日子過,可趁低埋伏食大茶飯,但1072重在10蚊樓上,甘高買唔落手.煤設備鄭爆機都可以考慮




留言

  1. 老王2024年7月25日 下午10:45

    我今日都買回少少鄭爆機, 哈. 不過佢理財爆雷風險不少

    回覆刪除
  2. Ray2024年7月25日 下午10:54

    見市調整，在早茶時多口問問賣樓朋友的持貨，他說前買入883後已微調了一吓，先賣出一半883，再沽部分零成本的建行利潤取回買入883的本金，現手上若不計用股息買入的386和3988的成本連同持有的939，883等已是零成本了。
    他說會叫自己的老一輩，换入國央企股來代替已持有的本地股。

    回覆刪除
  3. 金戈鐵馬2024年7月25日 下午10:54

    國資委今年已嚴禁央企亂投資金融理財,專心本業.除左華潤,招商等5間升級做左國有資本的央企先可攞正牌去東征西討,間優品360俾招商做左大股東後,業績出奇地好,派息又高,但我又唔覺360好多幫襯,攞正牌去投資,一定唔會亂來,衰左會提頭來見,晉升無望.

    回覆刪除

發佈留言

此網誌的熱門文章

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

有華潤冇窮人

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
閱讀更多

埃克森美XOM股價創歷史新高,883星期一挑戰20元

 沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.
閱讀更多