看山是山看水是水

侵侵在中期選舉前作最後挣扎拉票,為了兑現油價會大幅下跌的承諾,但結果是油價越升越多,之前又不斷放風會在中期選舉前後一定打殘波斯貓,跟住又話選舉前不打住但選舉後一定打,而家又改口唔會打,會重新和談坐低來慢慢倾,侵侵講野一向冇句真,又經常taco在股市中掠水,單在石油股上,年頭至今已執左近4千萬美元,而侵侵呢番同伊朗講和的言論就令布油同美油即日大跌7至8%.選舉前民調例牌是講共和黨會慘敗,不知侵侵是真怕或賣慘博選票,竟然說必要時會在任內特赦佢老友馬斯克,俾佢拿免死金牌,以免在民主黨拿夠票後會報復刑事追究佢.

 24年的9月24日,當時大A跌到2600點,當日央行同中證監,内銀開了個座談會,會後推出2項新政,其一是借錢俾認可的上市公司的股東或高管,回購或增持公司股份,額度3000億.其二是票據互換便利機制,讓指定的非銀機構如券商,内險,基金可以把手中想沽出的指定股票或ETF抵押俾央媽,央行就以國債或票據俾番相關機構,券商内險基金就可以在二級市場沽出,増加流動性,但所得款項只能再買股票或ETF,不能作其他用途,額度是5000億,更揚言用完3千億,5000億額度,會有第二個3千億,5千億源源不絕放膽用.結果2年下來,3千億回購额度用左2100億,5千億票據互惠只用了1050億,但股市就由2600點升到4200點才回調,大量優質公司的市值大增,股價升幅可人,頭20大市值升幅最大公司大部份都是大央企如内銀,3桶油,電訊,資源類公司.今天是農曆9月24日,大A在3600點,早上又開座談會,用的招數是2年前的招數,只是優化左,令更多的非銀機構和股票可參與,流程更簡化.相同的是每次開座談會後股市例升,初期升幅不大,但之後就會大升,今天大A重上3600樓上並企穩,4千幾間公司上升,成交放量增加千幾億,信心回來了比甚麼都強,放水額度不一定要用盡個市才會升,只要大家都認定大A3600點是官方的紅線,大A股民就會放心入市,怕唔識選股就跟國家隊買指數ETF,再過一段時間,就會有唔錯的回報,若怕被國家隊收割,見到國家隊出貨就跟住沽,保住勝利果實,不需要天生異禀,覺得自已特到叻,只需無腦式跟着國家隊混,自不然會食飽不知多少頓.今天正式的公告是已即時放水1千億,已有31家證券商,基金同保險公司申請玩互換便利,1千億子彈已到,有流動性,明天就可開工入市買貨,散户見到機構入市,自不然就會跟着入市,明天大A大概率又會上升.

北水今日沽得最多的是今天升得多的1810小米,淨流走18億,第二多竟是稀客5號仔匯豐,走左近4億元,匯豐都跌左好多日,到今日先至來沽,是否有春江鴨知本地銀行有暗湧,今天本地銀行都普遍跌,中銀香港更曾大跌4%,會唔會係近期大量商業樓宇銀主盤被銀行鑑平鑑賤賣,會影響年尾盤數,可能是我諗多左,但都係小心些好,我冇本地/國際銀行股,只有已收夠籌收回成本的内銀用來永久收息,股價大升大跌都無需理會,今天内銀創完新高才回落,除左業績較失色的中行跌得較多外,其餘都只是輕微回調,跌得唔夠多不足以有增持的誘因,反而大A的建行今天繼續創歷史新高.而北水買得最多竟是883,中海油有大特價,跌4%,但好快就俾北水買到倒升,收市都是跌1點3%,淨流入8億元,應該都係貪883平過大A海油太多,買來收息.

 我不是在吹票,呢隻1072我一早上左岸,現在持有的貨全是負成本免費白嫖返來的,最近出左第三季業績,完全冇問題,首3季盈利已同去年全年盈利相若,頭3季盈利增長已接近3成,全年盈利增長相信會超過3成,得個10倍鬆d市盈率,每年3成盈利增長,並會持續多年,股價冇可能唔升,過去1個月不斷下跌,今天終於肯升,有較大升幅.過去是H股貴過A股,因有美資肯俾溢價大手買入,出完貨就撥亂返正,A股貴過H股好多,若我冇貨或唔夠貨的話,一定會加注,但我已夠貨,現持有的1072最貴個注都係10蚊左右買,股息率竟有6至7厘,其他10幾蚊加注做T,已做到負成本,做個大T,20幾30蚊走,執番80至95%利潤,細T就10幾20個巴仙利潤,做多次就本利歸還收夠籌,立於不敗之地.身為國之重器,為國家爭光的股份,只會越來越強.

 大A同港股的4大内銀,繼續升升升,如入無人之境,繼中行H見6字頭之後,工行H今早見8字頭再創歷史新高.業續好的1919中遠海控創多年新高,857出完業績已升左1成以上,行左幾年的中特估牛市繼續行緊,有排行,巨無霸央企每次下跌都是機會,都是在派錢,中移動跳到78蚊已跌唔落還任人買,好快就升番上81蚊,不要忘記今年已收左5個幾股息.連隻央企ETF,話甘快就升番上近10蚊,而且今年已袋左7毫子股息,長期持有者已收息收到手軟兼有價賺.

 融資即是做槓桿,例如一名老散,本金100萬,因睇好某隻股票前景,想贏多些,買左100萬都覺得唔夠皮,融資多80萬買入,市值為180萬,而此時的維保比率為225%,80萬的2.25倍,證券行視為安全紅線下並能安心收放款利息,若維保比率升到300%時,就會容許客戶提取現金紅利或沽出部份股份,但當維保跌到140%,就會示警提示客户要小心並準備,當維保趺到130%,即市值180萬的股票跌左4成得番108萬時,就會叫客户1天内追交8萬保證金,令股票市值上番116萬,維保去番140%警戒線,若客户籌唔到錢或股價繼續下跌,就會被強行平倉,哪管你買的是隻好股,日後會升番甚或倍升,你唔融資的話,可繼續揸住並忍受幾十巴仙的過度沽壓等升番,嗰100萬還是安全重有排玩,但若有融資的話,遇上大跌爆倉被強行平倉,嗰100萬就會瞬即損失大半甚至輸乾輸淨視乎你做多少槓桿,大A每次出現股災或疑似股災時,融資存量都會大減,因為好多散戶,不管是大户或小戶,都會爆倉被抬離場,同時財富也會轉移,入來執平價帶血薵碼的之後往往都是贏大錢的,在大A國家隊就是呢方面的專家.只要不做槓桿,安安份份地持有好的股票長期持有,就算途中出現黑天鵝,最終都會満載而歸,因為你是在投資而不是在投機.

 今次規模雖較上個周未略為減少,但仍然有幾十萬人出來示威跟住臨到尾又變騷亂.今次更蔓延去到歐盟老大德國,有12萬人打著Z世代旗號出來示威.其餘幾個窮到燶的歐洲國家民眾繼續個個周未到出來發洩不滿.原來葡萄牙都是窮L,今年加左最低工資每個月都係得920歐元,27年會加到970歐元,但係租間2房都要1000至1800歐元,劏房都要450至500歐元,選有昂貴的能源費用,百民百姓生活之苦可想而知.