133招商局中國基金業績公佈後狂升5成

 呢隻高息野幾年前有買過而且獲利走左,之後就冇再買賣過,而股價也由高位大幅回落到10蚊樓下,跟住随股市上升升番上10蚊樓上橫行.此股純是靠炒股為生,成間公司得1個僱員,就是基金經理兼打雜.5成6投資中港金融類股份,1隻H股招商銀行就買左20幾億人仔,市值32億港元,因H股貴過A股,其餘就買其他股份.1個月前公佈未期業績,盈利大增5成幾至1.9億美金,當時股價15蚊,已派左中期息0.64港元,今次未期息連特别息派夠1.95港元,即全年每股派2.574港元,15蚊股價,2.574元股息,冷門股都會被人買上,多人知,升勢自然會急,今天更升夠10%,升到23個幾,1個月升左5成以上,即使如此,現價還有近11厘息,市值只得30幾億港元,去年盈利1.9億美金,2倍PE,PB只有0.52,去年底所持股份價值10.1億美元,資產淨值每股41.62港元.15蚊的133簡直是送錢,雖然股市會有升有跌,去年盈利1.9億美金,今年或許會盈利更多又可能會大幅減少,但佢揸住幾十億元同系的招行,已可令股價有廣闊護城河,其他就去投資未上市同上左市的高新科技股,去年也因此獲利甚豐,他手中還有1隻王牌,23年佢投左1千萬給月之暗影kimi做原始股東,持股近2%,此大模型跟住已成世界一線行列,將來上市市值真不知會升成甚麼樣子.去年派息雖然很高,但派息比率連3成都冇,身為央企公司,有大幅増加的空間.由於近乎冇人力支出同資本開銷,去年躺着3千萬美金閑置.