瑞銀周一收市後出報告大力唱好1072同1133

 大行報告不能太認真對待,看過就算,因已零成本持有1072同1133,就望多2眼,睇吓佢講物,份報告成38頁長,好似非常有心機做,但不知是否是找AI代勞.講的主題是全球燃氣輪機供不應求如何對中國相關公司帶來的巨大得益.原因和邏輯在此略過,過往股價已說明一切.我只關心他把目標價上調到多高.他對3隻識做燃氣輪機的股份作出評估,分别是東方電氣的A股同H服,哈爾濱電氣H股,同一隻只在A股上市的應流股份.瑞銀預估到27至28年,東電每年會有16至20%盈利增長,哈電則為9至11%.到27至28年,1072天花板價會是68.2港元,A股東電則為61.3人仔,1133就44.3港元.而今年就調高1072目標由上次的32.9港元提升62%至53.5港元,潛在升幅60%,市盈率由18倍調升到28倍.而1133的市盈率由22倍升至28倍.目標價由上次的25.7港元提升35%至34.6港元,潛在升幅54%.瑞銀是國際大行,但都經常搬龍門,但搬得來都算有個譜,不會像獅子銀行亂甘來.看好還看好,1072同1133都已經升到爆哂錶,若冇貨現在才去高追,始終有風險,就算升到目標價的7折或8折,升幅都不會太多.有貨的就唔同,由得佢繼續放紙鳶,任大行繼續吹票吹大佢,到佢哋減持或出部份貨時才考慮應否沽貨,若基本因素冇變就唔怕再坐落去,因大行經常都會錯判賣飛股份的.