平保舉牌已持有20%H股農行

 平保不停買1288,不買A股農行,因A股已俾國家隊買哂,只能買H股,買到持有20%農行,帳面市值324.8億元.於是要公告天下,持有農行的小股東固然可放心長揸,貨源歸哂邊,重係俾長期投資者内險持有,不會也不敢沽貨,揸住平保一樣可以睡得安樂,内險不再也不能亂投資高風險產品,獨沽一味買不會爆雷的内銀,無風險年年收息賺息差,一衆内險前景一片光明.農行總股本3500萬股,H股只有307億股,A股3千幾億股中,中央匯金持有40%以上,財政部持有35%以上,其他社保基金,冇上市但賺錢最多的中國煙草等又揸左好多,A股貨源已是極度歸邊,根本唔會跌.為左穩住港股市場,狂買大金融類H股任務就交給内險去做,平保係被指導有計劃地増持1288,去年2月首次舉牌買左5%,5月就買到10%,8月就買到15%,直到12月底已買到20%,股價一路升就一路買.今日就公告天下.香港股市有阿爺照住,有詳盡計劃部署,根本不可能會大跌,只會慢牛式上升.相信一衆内險還會不停買高息中特估,銀特估,一來已開綠燈俾内險加大上限,用新收保費去投入股市,内銀買夠就抱團互買内險,再買夠就買高息央企,邊間内險買邊隻,一早計劃好,但凡内險初次舉牌買入的H股,之後的升幅都會好可觀,初次舉牌尚有平貨俾你跟買,到任務完成買夠貨股價都已經升左一大段,只能望門輕嘆.有太多太多機會都在股市中存在,能否把握就只能靠有否正確認知和正確解讀能力.