A股今早又重上4千點,靠的不再是内銀
内銀已升左一排頂住個指數,今日已功成身退,輕微下跌,升番哂如易,中,天,寒武紀等跌左不少的科技股,老登股如3桶油繼續升,新登老登股一齊升的話就會變瘋牛,要行慢牛就不能一齊升,長揸國有股一定必贏,穩收高股息之餘,加上跌極有限,跌完又會升番,底倉不變,逢跌就加貨短炒,一年的回報率又會非常可觀,唔想攪甘多野,就干脆放埋一邊唔理,每年收2次股息都可以躺住贏.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
大師請教下,你對MSCI這一季剔除3320有咩睇法, 唔知對它最近的上升趨勢有沒影響
回覆刪除呢隻3320已跌無可跌,就係唔識升,業績其實都好過其他同業,不會虧蝕,規模越來越大的央企,近乎無風險,揸左的只能鬥耐性等大升,MSCI剔走佢一定有影響,焗住要沽貨,但金額不會太多,沽完反而會升,最緊要係北水肯買,今年至今北水至今其實買左好多3320長揸,已揸到10%樓上,去年好似得幾個巴仙,大股東華潤集團同北京市國資基金已揸左7成幾,加上北水的1成,已冇物街貨可沽,版塊輪流轉動炒上,遲早輪到佢.
回覆刪除再看番MSCl指數調整,原來3320被納入全球小型股當中,可能要焗住買更多3320,同時入選的港股有已升到飛天的重慶機電,美麗田圍.就連近期表現較好的173嘉華都有份,,入得全球小型股指數的股份應該都會有好表.
回覆刪除多謝大師指教
回覆刪除