北水今天成交一星期内最多
港股通全日成交1628.32億,佔港股交成交61%,淨流入27.18億.浄流出沽得較多只得1788國泰君安國際2.7億,買得較多的有2628中人壽8.79億,981中蕊5.12億,3690外賣仔3.82億,6655華新水泥3.4億,3339中國龍工2.63億,1072東方電氣2.07億.唔覺唔覺恒指已創3年半新高,大量股份創了多年新高或歷史新高,大隻如匯豐都創了好多年新高,同時也有大量股份,大隻如ATM,各大地產股仍然距離高位甚遠遠到車尾燈都見唔到,财富轉移已進行中.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
今日四川成渝, 大哥又數錢, 勁
回覆刪除似抽高派貨多d,旗下一條最揾錢公路29年專營權到期,政府出2百幾億包括收地擴濶條路接駁到更遠地方,又係29年會落成,投標揾新經營者,只需用50幾億就可換來40年經營權,四川成渝用40幾億,佔85%權益,再搵3間國企同業認頭餘下權益合作,50幾億分4年平均付款给政府,對107全無財產壓力,股價長遠必大利好,短期就唔一定會好好,今早競價時段同開市,有大戶用大錢抽高10幾個巴仙吸貨,之後股價就倒跌,走勢同四川成渝A股相似.長遠是極利好,倒跌又呃埋d散户獲利貨出來,升左甘多,見股價唔跌重升緊,一定唔肯沽,要借機震一震老散先至肯沽貨,我都係冇加貨又沽唔到貨,今早手脚太慢同叫價太高沽唔到,若成交而家肯定買回做個大靚T,執番十幾二十個巴仙.唯有繼續揸住堆個6的舊貨繼續收超高息.
回覆刪除