今早低位買唔到1837五谷磨房

 今早排0.73等入,好快就知買唔到,之後更被人買上0.78元,唯有撤退除牌唔等,等待日後有冇機會在7毫子邊買入.點解要㨂呢隻野？夠平,有盈利,肯派高息,冇負債兼有大量現金,85%股份集中在3個人手中.呢隻野由5毫幾升到8毫樓上,其實已升左唔少,除完淨先有7毫零俾人買.幾年前此股以1.62元上市,不久百事可樂以1.8元入股20幾巴仙,創辦人兩公婆持股49%,百事2成幾,另一原始股東持有10幾個巴仙,3條友加埋持有85%,至今一股未沽,又冇發新股,配股之類的掠水行為.似乎只專注產品,公司的發展.呢間公司主要是賣健康飲品沖剂,如黑芝麻粉,杏仁,物份物份,在國内已一早打響名堂,是業內龍頭,本港大型超市都有得賣,毛利率超高,65%以上,但因競爭對手衆多,去年做左10幾億生意,盈利得億幾,用在推廣活動的支出就超過10億,主要是在全國各地商場設立幾千個專櫃,以人手推廣產品,但今年會加強綫上營銷,減少專櫃數目,今年盈利有望提升.港股中有另外2隻相似生意的公司,1隻係来自重慶的837譚木匠,獨沽一味賣梳,香港都有分店,上市以來一直年年派高息,上市價2個幾升到現價5個幾,重有5厘幾息,可惜我沒有持有.另一隻是賣喉糖的金嗓子,呢隻我就冇放過,已財息兼收食到飽一飽.而家目標就係1837,上番招股價1.62的話,唔計息單股價都有超過100%回報,百事1.8元都買左一大堆,旗下產品桂格麥片都是1837的對手,買入對手的大量股票,這個對手一定唔簡單.在此股有低位出現真係值得埋伏,買少少等運到.