終於等到1072東方電氣創新高
H股若計埋除左淨的4毫子,早就創左一年新高,今日連東電A股都勒唔住,創左新高,1072不得不跟,成交大增下破位而上,平日1072得百幾萬股成交,上落幾個價位,悶死人的股,話佢唔升其實都升左好多,當佢9蚊起步,幾個月內都升左6成以上,息都收埋,但總是覺得有人想勒住股價唔俾升,悶死街坊迫人獲利,跟住才來料,我算是頂得住冇走貨,還在除浄前,13蚊加左d貨,總算等到肯郁,當然主觀希望佢從此展開漫長升浪.
千呼萬喚始出來,新增6萬億元地方政府債務置換限額
直至2023年底,全國各地地方隱性債務高達14.3萬億,由於缺乏地產收益,全國地方政府每年化債能力也只有幾仟億,如一個人,碌爆卡欠下14萬,但每年只還得幾千蚊,條數永遠還不清,重會越欠越多的道理.正因如此,中央新推出6萬億置換隱性債務,為期3年,連同之前承諾的每年8仟億地方專項債,2024年開始,為期5年.即在2028年前會投入十萬億元化債,加上2029年全國各地棚屋改造政府會俾2萬億,到時全國地方政府隱性債務只剩下2萬幾億,相當安全,個別地方甚至會有盈餘.大前提是嚴禁和嚴防有新的隱性地方債務出現,有一單拉一單,拉人封艇.解决左因地產帶來的債務,地方政府可專心搞基建,能源,設備更新,這些建設都會為地方政府帶來盈利稅收收入.相對於全世界各個國家包括發達國家,中國現階段的債務仍是最低的,若有效化債成功,中國勢成經濟第一強國.
留言
發佈留言