697又狂升,忍忍忍唔沽住
昨天増持1.5元買的貨,如今1.8元,20%利潤,都是上午收市後出的消息造成,擬成立機器人產業公司,又可以炒一大輪,最好炒到等北水接力才獲利.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
大師眼光真是獨到, 如果入到港股通, 下星期又大升過。我的懶人組合今日都唔錯~
回覆刪除你隻重倉股700,今天收517蚊,3年新高,都好勵害,食正呢個浪,下個月出完業績後會升得重勁.
回覆刪除是，今日700靚仔，準備業績後換少少倉位去3320，感覺它有想突破的趨勢。同埋分散少少組合的行業，安踏都留意緊，我覺得如果中國要出隻類似nike/adidas呢種國際性企業應該好大機會就係它。加上中國是製造業國家，應該是有一定的成本優勢，只要個名打左出去，未來市場潛力應該唔錯
刪除今日恒指季檢踢走李寧,安踏可能受益.百濟神州搞創新藥,多年來終於有盈利,3320是收購傳統名牌中西藥同賣藥,盈利有保障,好處是估值低,股價大升要等耐些少,創新藥同冇盈利的B仔股好多隻都由低位升好幾倍.
回覆刪除多謝大師指教，3320的息已經比放銀行好，我見它子公司每隻都升唔錯，買來長渣。其他有息，又穩定的已經升唔少，買它望他追追落後，哈哈 如果大師有其他收息之選，記得指教下
刪除