今天賽事檢討
https://photos.google.com/photo/AF1QipPO5xEZZdVp49C8mGEInk2RuGjGHKgfjEcGbDaO
呢條飛真係浪費,中4條正Q,5條位置Q熱熱地只收2千幾蚊,若買有收3至4關的會收更多,純遊戲不會太介懷,呢個100蚊基金,扣除成本,最新結餘為正1965蚊,有排玩.幸好今天我另外自己投注的都贏到一萬元左右,.
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
買馬娛樂，有紅利已是好好的成績了。
回覆刪除自己昨天即慶跟朋友買了兩場羅富全的熱門馬W和一口孖寶，一隻映相跑第2，一隻第一，總結赢了餐茶。