此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
我幫媽媽買進的 3988, 939; 今天真的很高興 =^^=
回覆刪除939歷史蟹貨位好似都係9蚊左右,長揸收左甘多年高息,應該冇人輸錢,怕死中途止蝕另計.其他三間,更是大部份人收息都收到零成本買入價.
回覆刪除對,記得建行的歷史高價曾和它的編號一樣(股價$9.39),年份在17至1 9年間。
回覆刪除今天內銀大升,早前四月賣樓後手持現金的朋友來電請吃飯,緣自早前茶聚時的戲言不如分散買入四大內銀收息更勝收租。
他聽後坐言起行,一半定期,一半獨注買入建行,因貪息高,現賬面有7位數利潤,十分高興,想和朋友們分享。
此留言已被作者移除。
回覆刪除投資是須要運氣和認錯,才可潮退時有褲着。
回覆刪除早前談及有朋友因過度自信,在4條3和碧桂園上瞓身和溝貨令彈盡糧斷,無以為繼。
今天看到內房反彈但與他持有的無緣,有感而發。
好奇一問,Ray兄的朋友是被迫賣樓,或是睇唔好樓市,趁重係相對高位兼有人肯接貨故沽樓獲利,若是後者,算是有智慧,現時要賣二手樓一定要大劈價至賣得出,地產經紀為左發展商的超高佣,一定水d客去買一手樓,又物plan物plan,俾5%就可入住,跟住逐幾個月俾少少俾多5%,住夠2年至俾埋餘下9成完成交易,期間若樓價上升又可摸貨沽出,大賺一筆,2年前同一番話令一班冇實力的炒樓人士中伏,以為撻定輸10%樓價就冇事,但李首富為左履行神聖的合約精神,已下令要依法辦事,追差價追到底,隨時被追到傾家盪產,若現時重諗住玩呢種炒樓致富遊戲,應該會做足安全措施,如用些少錢開間空壳有限公司買樓,又轉移個人資產,萬一樓價大跌又撻定,損失都有數計,既然甘麻煩又唔一定賺錢,何必玩呢種隨時令人變窮的遊戲.
回覆刪除大師,情況是之前在茶聚時朋友曾談及他是對看下好後市才將該收租物業在獲利不錯下賣出,當時的售價是銀行的估價下限和賣出價對比在高峰價錢時約下調了2成多。
回覆刪除他後因感手上的現金太多,與大家討論可否再入市和他的看法。
當時小弟便戲言不如買入四大內銀收息比再買入物業收租的回報高和更具彈性。
此事早前小弟曾在此網誌的留言談及並得蒙大師的有見地分享。
小弟隨即將大師的分享轉給朋友細思。
明白,Ray兄朋友其實是投資好手,頭腦清醒,心中一早已有高位賣樓决定,至於買入高息内銀股也應是早已準備好,再經Ray兄合理的分析,就更加有信心去做一早準備好的理財配置.
回覆刪除金戈大師確是智者,除能觀人於微(小弟朋友確實對樓市較熟悉,對股市場比較少參與)外,又具多元化廣博的知識和高超的投資分析力。
回覆刪除期待大師更多的分享給網友們,一齊邁向共同富裕。