看山是山看水是水

 又是高調說海洋經濟塊餅夠大,是新賽道,24年已達10萬億元生產總值級别,加把勁突破技術,未來會是幾十萬億元赛道.要將海洋變成海上糧倉,海上油田.如此說法,883中海油一定是海洋經濟重要一員,主要業務都是靠海上採油氣,另一條綫不斷起海上風電,公佈完盈利倒退的中期業績後,成交额和股價反而節節上升,莫非與此有關.之前在香港舉行的中期業績會上,負責人首次提到要把中海油打造成百年老店,可能身負更大的國家任務.

 之前在100蚊左右沽出9926獲利,之後股價升到甩哂轆,心痛到拿住拿住,久久不能釋懷,好不容易等到佢高位配股,股價下跌,加上今早股市大升下,佢還要跌近4%,跌穿150蚊,唔理甘多,100沽出150買番的傻事都照做,就買1手,1手都要15萬多些,起初諗住揸到股價升到200蚊執5萬元先走,但之後好快又做渣男,甚麼山盟海誓都冇左件事,見佢升到156個幾,沽走有5千零蚊執,就沽出獲利,沽完報應又來了,之後好似升到159,說好的5皮野得番5千,要做多8至9次T先達標.石藥就最安心,跌穿10蚊,好快又上番,隨時又再創新高,百濟神州都是不斷升,好快又會創新高甚至見200蚊,可惜只得100股,贏唔到大錢.

 本身是搞私募的陳營長,繼在雪球上發表女人不能嫁給没進入這波牛市中的男人後,連醫生都唔放過,拿他們開玩笑.此人重倉了創新藥股,且被套了一段日子,現在反敗為勝而且是狂勝,難免極度興奮,話出驚人.他拿得住持貨抵佢贏,但若他的客户若受不了被套而割肉離場就是另一番光景.

 最多台灣人買的是最早發行的0050元大台指ETF,出世左20年,50隻成份股全是複製台灣指數成份股變動和權重,單一隻台積電就佔5成幾權重,電子類共佔65%,銀行金融佔15%,完全沒有一般指數ETF分散風險的功能,但為何仍大受歡迎呢？此檔ETF出世時約40幾元,每年派息2次,1月同6月,連續派左20年息,直至今年共派了56蚊左右股息,拉長20年計,平均息率只得3厘,早年因股價低息率高故能視之為高息ETF,但股價大升後就變成價值型ETF,剛派的配息只有0.36元,最新息率只得1.9%,而此股在今年6月已升到188元,因此拆細,1股變4股,每股市價47元新台幣,上星期五收52.65,年頭至今升左8.5%左右.台灣習慣把每手叫做每張票,而0050每票要1000股,普通小資族打工族要買一張0050,要花上幾個月人工,再加上過往有大量K0L都是講自年在打工時,已不停定投0050,收左息就再投,不斷累積張數,時間夠長,儲夠1千張或幾千張或更多時,發覺經已財務自由,收息金額已多過全年打工收入,被炒或炒老板魷魚都可以.試想像一下,若真是堅持長期不問價定投,開始時40幾蚊1股,20年内股價升左近4倍,收的股息又超越覆蓋哂買入價,還可永世收股息.0050股價近年大升主要都是因台積電,台積電股價1年内升左8成幾,0050升幅也因此大升近5成,一早就開始早買不斷累積張數,都要靠年計的時間才體驗到巨大的盈利果實.而根據計算,5年前打工小資族若堅持定投每個月5000蚊新台幣,收左息再投,5年共投入30萬新台幣的話,之後沽出,會有16.9萬收益,不能說低.統計又指出全台有130幾萬人持有0050,每月定投的有40幾萬人,百幾萬人中,持有800張至1000張或更多的人高達33.3%,1張至50張的有近25%,50至100張的有近15%,即係講有一大批老野已上左岸,另外一大堆新生代正想複製上一代的致富之路,定投指數ETF已成台灣的新國民運動.至於香港的2800盈富基金,又是一開始就不理股價定投,可能早段時間完全見唔到效果,就等一個機會,3年好,3年又3年都好,一旦指數上番3萬幾甚至4萬點時,又會覺得自已好醒,又可指點他人或後輩,股票不是用來炒的,是要買指數ETF來增加財富.

 上星期五在A股大升16%,令市值升到5千億,中期業績亮麗轉虧為盈幾億元是其中一個原因,但李強總理在8月25日調研該公司應是更大原因,背書確認該公司的地位,抗癌藥成功出海,並陸續有來.H股6160上周五只升夠4%,AH溢價拉濶至4成以上,若A股升勢如寒王,中蕊般,6160相信也會狂升,可惜得1手100股在手,沒建好倉就升左上去.當有參與過就好即使日後再狂升.中蕊國際A股星期一又停市,準備發新股購買母公司蕊片廠餘下權益,又準備做大做強,2年前曾幻想981長遠必是10倍股,肯定見100蚊,因冇息派,不敢買太多長擺,12蚊買的,多次做T後,已是冇息收零成本持貨,但估不到甘快己見60蚊,100蚊絕對不是夢

 近日最好笑的花生莫過於一名31歲的女子,在網上交友平台上認識一名23歲的年青男子,對方自稱青年才俊,任職律師,身家豐厚.女事主可能看得内地短視頻多,以為霸道總裁愛上大齡美女是真的,内地短劇已嫌劇情唔夠狗血,己進化成年青霸道總栽愛上阿姨或年青窮小子愛上千億富婆之類.雙方熟絡之後,男方邀約女事主往中環文華東方餐廳中菜廳食飯,席間除左食好西外,還點左枝7萬1千蚊的貴價紅酒,在散席前男方借尿遁,唔見左人,留下女事主埋單,女事主因唔夠錢要急召朋友前來幫手找數.事後女事主覺得受騙,除在社交平台大鬧遇上渣男人渣,並報警求助.平時相約朋友食飯,應不會簽合同講明邊個請,最多只是口頭講,就是反口唔認數都冇計,更加唔會報警話俾人呃.飯大家都有份食,不能打包變賣賺錢構成得益.但今次警方就揾到男方協助調查,會否檢控就唔知.總之就覺得是一場鬧劇.以前在中環做牛馬返工時,都周不時幫襯文華東方酒店㗎啡廳食自助餐,十分平,好似百幾二百蚊就得,而且次次都唔駛俾錢,全因都是辦公室政治,某人升職或升任合伙人,某個富二代因人脈接左大單,各個山頭籠絡人心之類.

 今年平保在2月17日,増持H農行突破5%,再在5月12日増持突破10%,今次在8月26日,買多829萬股H農行令持股突破15%.個個月都有新保費收入,規定可用30%買股票,俾佢看中的港股,雖然總有一天會買夠貨,新錢轉去買過另外一隻,但貨源都歸哂邊,又要長揸,相關股份想大跌都難.