白領中產將消失,學歷價值也會大幅眨值

 過去20,30多年甚至更長時間,香港奉行的都是細個要讀好d書,為入名校確保入到U迫小朋友學呢樣學個樣,樂器,高尚體育運動,芭蕾舞,珠數,各種外語,私人補習,最好集十八般武藝於一身,家長甚至為増加小朋友入讀教會名校機會而信教,真係唔得讀唔到本地大學就送去外國點都要拿番個學位番來,跟住就入大公司,打份夠體面的工,年年加薪,叠加所謂行之有效的香港仔走精面精神,即是擦上司或老闆鞋,快速升級,就可一世只打一份工,拿着嚇死人的頭銜,甚麼高級經理,部門主管助理再助理,晉身中產,卡片就頭銜多多,嫌少就入埋各種專業團體做會員,就如明明是豬肉榮,就冠以高級切肉處理工程師般可笑,美資公司最喜歡玩呢套,個名高級左才可以加些少人工給你,一間大公司順風順水賺大錢時,唔會介意養一大班冗員中產,但到公司出現盈利倒退甚至虧損時,高薪的非主力中層定必被優化,被栽或減薪甚至整個部門外包而被團滅,如馬斯克收購twitter變作X時,一下子炒左8成員工都可成功運營落去.人工智能的普级化後,大量的白領中產將會消失,因人工太貴,另外學曆的大幅眨值也是另一原因,2018年香港大學的學生只有28000人,今年就已到43000人,増加的部分大都來自内地,都是來讀碩士,研究生的,香港大學算是世界名校,水準有一定保證,但香港有8至9間大學,好水充砲艇的都有好幾間,到時碩士就會通街都係,雖不是全部都會留港工作,但都有不少會留港工作7年拿永居兼蓄錢,因内地和本港人工相差甚遠,我是老板的話,都會請呢班人工又唔高的年青人取代35歲以上的高薪中產.過往充滿岐視的語句如細個唔讀書,大個做運輸之類就會被改寫,為左生存,就算想做鐵人三項,外賣,速遞,網約車或吉祥三寶,保姆,保安,保潔都未必夠人爭,到頭來細個讀甘多書,大個都係要做運輸.所以及早學會正確理財,才是上算,你不理財,財不理你.