今早A股仍靠央企中特估限制指數跌幅
都是升内銀内險電訊三傻三桶油,農行更曾創歷史新高,老登股旨在掙股息,股價上升只是令護城河更深,相對小登股追求短期可觀升幅,若又加槓杆又在高位追入,走避不及的話,又會被深套多年甚至即時死亡抬離股市.港股的走勢都類似,過去升幅頻多的科技股繼續散水,沽左貨的資金會等跌到夠多才會再買回,高息股又再成為資金追逐目標,過去幾天好多高息股都升左好多甚至創新高,現在才去買已是慢左幾拍,買貨永遠都要在下跌時買,而不是等幅圖好靚確認升勢時才去高追.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
大師所言甚是，要赢在價位和時機。
回覆刪除自己手上的四大有3隻與大師的雷同，想低位加倉，但上落的幅度未在理想價位，現靜待中。