Z世代的錢唔易呃

 近來注意到地通拿的價錢跌到20零萬一隻,較2021疫情開始時升到發癲,成40幾50萬一隻,足足冇左1半,較樓價由高位回落的跌幅更大,經濟轉差消费下行固然是主要原因,但有另一原因是上一代mindset已逐漸被打破,甚麼買樓買鋪買寫字樓可保值之餘更可致富,有幾隻勞力士地通拿,日日戴出街除左可炫富威威外,更會不斷升值,黄金呢d平民野只是等同爛銅爛鐵,顯示唔出真正富貴,於是班老野儲埋一大堆名錶珠寶,奢侈品,貴價白酒,包包,郵票之類,屯積居奇,以為有大把人會高位接貨,可惜Z世代越來越精明,唔同你班老野玩呢套,按你們的意願走,他們要破局,消費是著重性價比,要能提供情緒價值,不是沒有物慾,一樣有追求,但不會追求自已能力不及的東西,於是幾百蚊至1千蚊的labubu大把人買,就算炒高價都是有限錢,升唔升值或日後一文不值都不是購買的考慮因素.注意到好多年紀已一大把,有些甚至已可拿2蚊搭車的昔日演藝界天王巨星,唔夠氣都要出來開演唱會揾錢,過往標榜的全是華麗服裝,珠光寶氣般出場,現在全部便裝上場,更接地氣,而正值盛年或未到老年的幾個票房保證,無論是在國內或香港,更是T恤輕便褲就上塲演唱,過往無論甚麼國内外男女天王巨星都是穿戴名牌出現人前,現在為了生計取悅Z世代,變左嗰嗰都掛住隻labubu出來吸睛.揾食越來越艱難是全球性的,正因如此,越來越多人重視資產配置,今天揾到食唔代表日後都揾甘多,有幾十萬閑錢走去買隻地通拿去威俾人睇,倒不如是但買隻優質高息股長期收息.就算你是富二代,伯爺淨落大把俾你駛,就當剩落1億俾落,你只係拿1千萬出來駛又好,玩好投資好,用哂輸哂都重有9千萬,衣食無憂,但若你眼高手低,以為自已是天選之子,拿哂1億去搞5億的野,炒物野都好,一旦瀬野就萬劫不復.所以家族辦公室在港興起就是同d富二代富三代買保險,以防子孫敗哂副身家,過唔到世,揾信託人幫助管理資產,只求穩不求大賺,子孫每個月只能定期收取豐厚的生活費.