懶人投資法肯定能戰勝其餘99%的散戶

 這已是老生常談,並經得起時間的証實,就是定投某隻指數ETF,任何市場的指數ETF都得,標普500好,上證50好,甚至常被磚家揶揄為廢物的盈富基金都好,只要長期定投固定金額,不理指數升跌,就算期間出現股災,大跌之類,完全不用理會.哪怕你是個金融白痴,甚麼也不懂,唔識睇圖表,唔睇財務報表,不懂看大局,唔識宏觀經濟,沒有別人聰明,勤奮,沒有預測股市走勢能力,都不是問題,只有你早入場,越早越好,做同一件事並讓其成為習慣,就是定投隨便一隻指數ETF,至於能否定投個股,最好唔好甘做,若你投左隻是垃圾股,點樣定投結果都會係垃圾,就算你定投的是優質的偉大股份,但不一定會偉大一世,都會有執笠消失的機會,一旦碰上,所有投資都會歸零,輸干輸淨.買指數ETF就能確保能長期留在市場上,一定唔會死,股市從來都是反人性的地方,不會獎賞聰明人,你某一年年化回報100%,是好叻好勁,但能年年都如此嗎？追漲殺跌,频繁操作,好多所謂王牌精英基金經理,長久下來,拉勻都是3%回報,普通散戶更是輸多贏少若是短炒的話,越讀得書多,越自覺聰明過人,過份自信,冇左一套自我保護的投資機制制衡的話,僥存者偏差,會有少數人例外,大部份聰明人都會是輸錢或白幹,白活ー場,賺得唔多,相對那一群懒人,無腦式定投操作,若操作30年,會有年化率7至8%回報,收成會是十分可觀,收益會好過其他99%的人.這是事實,不是憑空想象出來的,只是大部人總覺得自已是聰明人,唔肯玩這種要持久耐性的遊戲,覺得自已能有别常人,可以短期暴富.身邊認識幾個年紀不是太大的人,離退休還有一段日子,但一早就好擔心退休後生計會否好難維持,就早早投資,但又冇第一桶金,擺錢落銀行完全冇作用,買股票又怕好快輸哂,有1個聽人講,特別是老一輩話5號仔好,過往1股都唔駛5蚊,一出糧有閑錢就買,買下買下越買越多,又有息收,儲埋的5號仔不斷增加,股價又唔知點解會升甘多,總之就是令財富大增,再加上當時有1名年青人自稱為左早些上岸,儘早儲夠唔知幾多萬股,用2年幾3年時間,1日做2更的士司機,博命揾錢,有錢就買匯豐,終於買夠股數,收股息都夠生活,因為冇物大志,唔諗住買樓,黏父母樓一齊住,家用照俾,收股息都夠所有使費,當時還沒盛行財務自由或躺平之類的東西,佢算是先行者,又話如此生活非常好,天天自然醒,鍾意做物就做物,隨時可落街食個T之類.我識的呢個人就10幾年前開始月供匯豐,頭幾年非常好表現,有錢唔亂使,拿哂去供5號仔,但之後金融風暴,匯豐出茅招唔派息,股價大插水,當時自不然俾人笑傻仔,但佢計過,當時就算跌到得番30蚊,都唔係輸好多,於是繼續供落去,一路冇停過,最近聯絡番佢,問佢隻5號仔如何,他說幸好冇停供,而家贏左好多,就算而家俾人栽員,都冇甘驚.另一位就只供盈富基金,但成日聽見噪音,磚家成日話2800有跌幅冇升幅,長揸最多都係打和,買來嘥氣,佢就唔信邪,3萬幾點開始月供,跌得多時買得重多,一路下來,儲的2800越來越多,最近恒指上番25000樓上,問佢返到家鄉未？佢話物野返家鄉,而家嬴緊好多錢,若日後升番上3萬點或4萬,物野磚家,股神都要企埋一邊.到時我至係股神.可知佢埋藏在心中個種抑鬱,一旦釋放出來,非同小可.牛市若真的到來,倉位最為重要,有貨在手就天下無敵,等人接貨等食大茶飯.個倉d貨最好就是在熊市中趁低趁平慢慢累積並揸實等牛市到來就最好.