看山是山看水是水

 今早見到某4萬點大師在大台繼續叫人買ATM,繼續劃大餅,如話外賣仔會升到百三百四蚊,唔怕買,但佢120蚊已叫人放心買,跌到100蚊就更話要訓身買,再跌到80幾蚊就話跌冇可跌,之後短暫反彈上90蚊樓上,就出來話自已好勁,都會左唔怕買,但升左唔夠2天,逃生門已關上,繼續不停下跌,口頭有9981注總有1注會嬴小錢,但其餘80注就繼續輸大錢,如今外賣仔已跌到60幾蚊,佢繼續口頭有無限注,唔怕繼續買,節目結尾利益申報,沒持有ATM正股.看來恒科若不改成分股結構,想升都難,跌少d都當幫忙 

 隨著更多強制式要用綠電的政策落地,最新的是2030年非石化能源發電要超過50%.今早龍源電力只用左幾千萬就直接拉升漲停,奇怪的是冇人沽貨,沒有炸板,是否貨源已全部落入機構,内險手中？而一衆綠電A股也是大升.各省市,耗電多的行業要用多少綠電的任務在8月1日才開始,甘早就升定先,是聰明錢提早入場或是當局故意提水,帶風向引導老散進入一條平坦大路.

 存為王,昨晚美光在公佈完靚到爆業績後,繼續狂升,再升15%,sandisk閃迪更是升21%,而老登納指7雄全部下跌,蘋果更大跌6.1%,微軟跌3%以上,微軟今年更是持續下跌,已跌左近3成,跌幅拍得住騰迅但好過巴巴.傳統納指7雄最打得都是英偉達同谷歌,但今年股價表現都是一般.既然存為王確實已是事實,是目前全球最賺錢的行業,而且會持續好幾年,海力士昨天已升13%,7709算升得少,收市高位回落只升19%,今天會升幾多,無謂估,揸住就是好.而趙姨創新昨天在AH同創歷史新高.趙姨在港股已升穿1100蚊,變左金牛股,股價貴過大A趙姨幾百蚊.

3323中國建材持有60%的中材科技權益,中材科技過去12天有6天漲停版,股價在1年內由17蚊升到今天漲停價近93蚊.市值升到1560億人仔.另一間中國巨石,今天也曾短暫漲停,之後被炸板,收市升唔到10%漲停,但都升左9%,繼續創歷史新高,市值更升到2860億人仔,3323持有29.7%權益.縱使3323今天大升14%,但總市值H股十内資股只得460億.呢2間子公司的半年業績一定靚到爆炸,母憑子貴已是大概率的事,大爆升應還沒出現,低位入的貨就繼續坐落去等佢爆升,嫌悶又手痕就趁佢回調大跌時做T,唔貪心不求次次都食到盡,如今天要食盡14%,每次食到8至10%都已食到嘔.3323共持有7間A股上市公司權益,市值超過3400億,得2間是虧損的,去年冇盈利都是提前大幅撥備所致,但股息照派,而24年尾又完成用溢價成幾2成向散户回收左10%H股3323之後註銷,好似是4蚊左右,令發行股數大減,一間老牌大型央企冇理由得5百億市值都冇甘失禮,坐底都要有千億市值至啱數,現時是PB破淨,得零點解,每股資產淨值13個幾人仔,股價得6蚊港紙,不求PB上番1,升多少少,股價見7至8蚊都唔過份.

中行被指把11隻私募基金包裝成公募基金,找大量員工以蚊至100蚊持有,變成公募基金後推出市場售賣供大眾認購,若是私募基金就要另外交稅,公募就可括免,3988中行因之就少交左24億稅,因此除收回欠税外,更被重罰9790萬,幾個設局的中高層每人罰多30萬,仕途應該到此為止.現在村長,央媽對造假或違規操作都是零容忍,親生仔都不能例外.斷正,中行只能立刻認錯,深切檢討,保證不會再犯.今天3988大跌3%,已反映左該負面消息.

中材科技又漲停,中國巨石也是大升.控股的娘親中國建材的升幅相對低好多,但勝在有波幅,大漲小回格局,有貨不妨放高10格8格,一個唔覺意俾人掃走左,跟住又升幅收窄,又可即日做T,只要T得多,收益隨時多過由低位揸上來等倍升.